| 7. Ekoloji teleşou
Çalışmanın məqsədi-Xəzərin biomüxtəlifliyi probleminə müxtəlif nöqteyi-nəzəri uşaqlara nümayiş etdirməkdən ibarətdir.
Teleşoudan bir neçə gün əvvəl Xəzərin biomüxtəlifliyinin tükənməsinə təsir edən amilləri yazıb uşaqlara paylayın. Şagirdlər ekoloq rolunda çıxış edirlər. Şounun aparıcısını seçin. Uşaqların bir hissəsi ekoloqların oppaneni olaraq ovçuların, balıqçıların, turizm biznesini, torpaq icarədarlarının, mal-qara sahiblərının və b. maraqlarını müdafiə edirlər. Qalan şagirdlər tamaşaçı
kimi verilişdə iştirak edə bilərlər. Aparıcının vəzifəsi yaxşı hazırlaşmaq və Xəzərin biomüxtəlifliyinə təsir edən problemləri yaradan amillər haqqında məlumatlı olmaqdır. O verilişi aparmaqla yanaşı həm iştirakçılara, həm də tamaşaçılara mürəkkəb suallar verməli, videofilmlər, audio və ya fotoşəkillər nümayiş etdirməlidir. Məs: neftlə bulaşmış quşları, təbiətdəki səslər yazılmış lenti (məs: quş, su, çay səsi və s.) Aparıcı göstərilən fraqmenti izah edərək sadə suallar verir. Məs: (neft biznesi nümayəndələrinə): Siz istərdiniz ki, bizim təbiət belə (neftlə bulaşmış quşlar) və ya bu cür (təbiətin səslərindən fraqment) görünsün. Bu cür hazırlıq şounun canlı keçməsinə kömək edir. Əlbəttə, neft sektorunun nümayəndəsi at və qoşqu arabası şəklini göstərib soruşa bilər: «Siz nəyə minmək istərdiniz, buna yaxud ona?» ( avtomobil şəkli).
Yekunda aparıcı və ya müəllim deməlidir ki, belə bir problem mövcuddur və əgər insanlar onun həlli yollarını tapmasalar, qiymətli təbii ekosistemlər itirilə bilər, təbiətdən istifadə edənlər isə müflisləşər. Buna görə də Xəzərin xilas edilməsi barədə birlikdə düşünməliyik.
Dostları ilə paylaş: |
