Qaydaları Ümumi müddəalar Yük (sərnişin) avtomobil nəqliyyatı xidmətlərinin ümumi həcminə aşağıdakılar daxildir

1. Gizli və qeyri-formal fəaliyyət nəzərə alınmaqla avtomobil

nəqliyyatı xidmətlərinin ümumi həcminin müəyyən edilməsi

qaydaları

Ümumi müddəalar

Yük (sərnişin) avtomobil nəqliyyatı xidmətlərinin ümumi həcminə aşağıdakılar daxildir:

• 
  yük avtomobilləri, pikaplar və minik avtomobillərinin şassisi üzərində
  furqonlar və avtomobil qoşquları ilə yerinə yetirilən yük daşımalarının məcmu
  həcmi;
  
• 
  istismarda olan marşrut avtobusları (pulsuz gediş hüququndan istifadə
  edən sərnişinlər də daxil edilməklə), marşrut taksimotorları və sifarişlə işləyən
  avtobuslar ilə sərnişin daşımalarının məcmu həcmi.
  

Avtomobil nəqliyyatı ən kütləvi, mobil və çətinliklə uçota alınan nəqliyyat növüdür. Burada statistik müşahidə ilə əhatə olunmayan və qiymətləndirilməli olan qeyri-formal fəaliyyət mövcuddur.

Belə fəaliyyət növlərinə aşağıdakılar aid edilir:

• 
  lisenziyasız iş - kommersiya daşınmaları fəaliyyətini yerinə yetirmək
  üçün lisenziyanın olmasını tələb edən, müəyyən edilmiş inzibati qaydalar
  çərçivəsindən kənarda daşımalar üzrə xidmətlərin göstərilməsi;
  
• 
  avtomobil nəqliyyatı vasitələrinin sürücüləri tərəfindən şəxsi gəlir əldə
  etmək məqsədi ilə iqtisadiyyatın leqal sektorunun (dövlət, səhmdar, idarə
  tabeçilikli, özəl, lisenziyalar üzrə işləyən və s.) avtomobil nəqliyyatının kənar
  (ikinci dərəcəli) fəaliyyəti və ya vergi ödəməkdən yayınmaq üçün fəaliyyətin
  nəticələrinin bir hissəsinin gizlədilməsi.
  

Bu mərhələdə kommersiya daşımaları üçün lisenziyası olmayan avtomobil nəqliyyatı ilə yerinə yetirilən daşınma işlərinin əlavə həcmi qiymətləndirilir.