9.1. Aksiyanın həyata keçirildiyi müddət ərzində Qonaq:
9.1.1. Aksiyanın keçirildiyi Əraziyə aid olan seçilmiş “KFC” restoranına getdiyi gün kassada “Uğur qutusu” menyusunu sifariş edir;
9.1.2. Tərkibində “Uğur qutusu” menyusunun olduğu sifarişi aldıqdan sonra kassa çekini (çeki itirmək olmaz) və toyuq budu, kartof-fri porsiyası (kiçik) və seçimə görə sousdan (Barbekü sousu və ya Kentukki Barbekü sousu) ibarət “Uğur qutusu” dəstini alır. Warface pin-kodu “Uğur qutusu” boksunun dibinə xarici tərəfdən vurulur.
9.1.3. “Uğur qutusu”-nu aldıqdan sonra Qonaq Warface pin-kodunu İnternetə çıxışı olan və Warface oyununun quraşdırılmasını və işə salınmasını dəstəkləyən istənilən cihazda коробкаудачи.рф saytına daxil olmaqla bir dəfə aktivləşdirmək hüququna malikdir;
9.1.4. Warface (brend Aksiyanın partnyoruna məxsusdur) pin-kodlarının iş prinsipi Warface oyunundakı iş prinsipi ilə eynidir:
Məhsulun xarici tərəfində qeyd edilmiş pin-kodun daxil edilməsi zamanı Qonağın qazandığı bonuslar təsadüfi qaydada müəyyən edilir. Qonaq, bonus əvəzinə oyunda istifadə edə biləcəyi döyüş sursatlarını ala bilər. Pin-kodu aksiyanın коробкаудачи.рф saytında “Hədiyyə almaq” pəncərəsində aktivləşdirmək olar.
9.1.5. Warface pin-kodunun aktivləşdirilməsində problemlər aşkar edildikdə Qonaq internet vasitəsilə https://games.mail.ru/support/wf/#/ dəstək ünvanına daxil olaraq Mail.ru şirkətinin (Aksiyanın partnyoru) Warface istifadəçiləri üçün dəstək mərkəzi ilə əlaqə saxlamalıdır. KFC məhsulları ilə bağlı məsələlər ilə əlaqədar olaraq isə Qonaq, www.kfc.ru saytında əks əlaqə forması vasitəsilə Aksiyanın təşkilatçısına müraciət etməlidir.
9.1.6. Aksiyanın çərçivəsində bir “Uğur qutusu” məhsulunda yalnız bir Warface pin-kodu olur. Qonaq bu pin-kodu yalnız bir dəfə aktivləşdirərək istifadə edə bilər. “Uğur qutusu”-nun alış çeki ilə 9.1.5-ci bəndə uyğun olaraq Partnyorun dəstək xidmətinə müraciət etmiş Qonaqlardan iradlar daxil olduqda Warface kodundan qanunsuz şəkildə istifadə edən Qonaq, akkauntunda topladığı bütün oyun üstünlüklərindən məhrum ola bilər. Barəsində Dəstək Xidmətinin aşağıda göstərilmiş əsaslı şübhələri olan Qonaqlara qarşı sanksiyalar tətbiq olunur:
а) Warface pin-kodundan təkrar istifadə və ya
b) Warface pin-kodunun aktivləşdirilməsi ilə əlaqədar fırıldaq əməlləri və ya
c) hazırkı Qaydaların 6.1.2 bəndinin pozulması ilə əldə edilən Warface pin-kodunun aktivləşdirilməsi;
Warface pin-kodunun köməyi ilə alınan oyun üstünlüyü Mail.ru-nun (Aksiyanın Partnyoru) dəstək xidməti tərəfindən dərhal ləğv ediləcək.
9.1.7. KFC restoranlarının WiFi-zonalarından kənarda Warface pin-kodunun aktivləşdirilməsinə sərf olunan internet trafikinin dəyəri Qonaq tərəfindən mobil operator və ya provayderlə dəqiqləşdirilməlidir.
9.1.8. Reklam aksiyasının təşkilatçısı Warface Pin-kodunun İnternetdə aktivləşdirilməsi və ya Warface oyun məkanından istifadənin digər xüsusiyyətləri ilə əlaqədar yaranan trafik xərclərini və ya digər xərcləri ödəmir.
| 
