Ümumi geologiya və geomorfologiyanin əsaslari m ü h a z I r ə 1

ÜMUMİ GEOLOGİYA VƏ GEOMORFOLOGİYANIN

ƏSASLARI
M Ü H A Z İ R Ə 1
GEOLOGİYA VƏ GEOMORFOLOGİYA ELMLƏRİ HAQQINDA

ÜMUMİ ANLAYIŞ

P L A N

1. 
   Geologiya haqqında ümumi anlayış
   
2. 
   Geologiya elminin qısa tarixi
   
3. 
   Geomorfologiya haqqında ümumi anblayış
   
4. 
   Geomorfologiya elminin qısa tarixi.
   

Yerin quruluşunu, tərkibini və inkişafını öyrənənb elmə “ Geologiya” deyilir. Geologiya sözü “ geo “- Yer və “ loqos “ – elm kəlmələrindən əmələ gəlmişdir, geologiya Yer haqqında elm deməkdir.

Geologiya ibtidai insanların işlətdiyi ilk faydalı qazıntıların ( çıxmaq daşı, kvars, kvarsit, əhəngdaşı, daşduz və s. ) öyrənilməsindən başlamış, okeanın dərin qatlarının və kosmik fəzanın tədqiqinə qədər çox uzun və mürəkkəb bir inkişaf yolu keçmişdir.

Hazırda sürətlə inkişaf edən geologiya elmi bir-biri ilə qarşılıqlı əlaqədar bir sıra qollara, məsələn, mineralogiya, petroqrafiya, dinamiki geologiya, tarixi geologiya, hidrogeologiya, mühəndis geologiyası və s. ayrılır.

Mineralogiya – təbii şəraitdə yer qabığında yaranan müxtəlif miuneralların fiziki-kimyəvi xassələrini, tərkibini, mənşəyini və əmələgəlmə qanunauyğunluqlarını öyrənir.

Petroqrafiya – yer qabığını təşkil edən müxtəlif mənşəli süxurlar haqqında təlimdir. Çökmə süxurlar əmələgəlmə şəraitinə və xassələrinə görə maqmatik və metamorfik süxurlardan fərqləndiyi üçün müstəqil olaraq çökmə süxurlar petroqrafiyasında öyrənilir.