39 Ar tarnes or i nís ar naityane i úre, ar ta oante sello. Mí imya lú orontes ar *veuyane tien.
40 Mal Anaro nútiesse, illi i sámer queni hlaiwe *alavéle hlívelínen taller te senna. Paniénen máryat tesse nestanes te. 41 Ente, raucoli ettúler rimbalillon, yámala ar quétala: “Elye ná Eruo yondo.” Mal naityanes te ar ua láve tien quete, pan sintelte i anes i Hristo.
42 Ono íre aure túle, *etelendes ar menne eressea nómenna. Mal i şangar cestaner se, ar túlelte yanna anes, ar névelte pusta se autiello tello. 43 Mal quentes téna: “Yando i hyane ostoin mauya nin care sinwa i evandilyon, an ta ná i casta yanen anen *etementaina.” 44 Ar lendes *nyardala Yúreo *yomencoassen.
