RADİODALĞALARIN YAYILMASI (radio wave casting) – Radio diapazonuna düşən elektromaqnit dalğalarının atmosferdə, kosmik fəzada və Yer qatında yayılma prosesləri. Verici məntəqədən şüalandırılan radiodalğalar (RD) qəbulediciyə çatana qədər düzxətli trayektoriya üzrə, qabarıq Yer səthini aşmaqla (difraksiya), troposferdən (radiodalğaların refraksiyası) və ionosferdən əks olunmaqla və s. yayıla bilər.
RADİODALĞAÖTÜRƏN (radiotransmitter) – Radio dalğalarının yayılması üçün dielektrik kanal (yönəldici sistem). Kanalın yan səthi iki mühitin ayrılmaz sərhədi olub, birindən o birinə keçdikdə maqnit və elektrik nüfuzluğu və elektrik keçiriciliyi kəskin dəyişir.
