Bəxtiyar Tuncay

Xromosom	Gen ədədi	Nukleotid ədədi
Tanımlanmış Nukleotidlər^[1]
1	3,148	247,200,000	224,999,719
2	902	242,750,000	237,712,649
3	1,436	199,450,000	194,704,827
4	453	191,260,000	187,297,063
5	609	180,840,000	177,702,766
6	1,585	170,900,000	167,273,992
7	1,824	158,820,000	154,952,424
8	781	146,270,000	142,612,826
9	1,229	140,440,000	120,312,298
10	1,312	135,370,000	131,624,737
11	405	134,450,000	131,130,853
12	1,330	132,290,000	130,303,534
13	623	114,130,000	95,559,980
14	886	106,360,000	88,290,585
15	676	100,340,000	81,341,915
16	898	88,820,000	78,884,754
17	1,367	78,650,000	77,800,220
18	365	76,120,000	74,656,155
19	1,553	63,810,000	55,785,651
20	816	62,440,000	59,505,254
21	446	46,940,000	34,171,998
22	595	49,530,000	34,893,953
X xromosomu	1,093	154,910,000	151,058,754
Y xrosomu	125	57,740,000	22,429,293

Bu ölçülər insanoğlu üçün əzəldən cızılmış bir qədərdir və onu digər canlılardan fərqli hala gətirir. Məsələn, məlumdur ki,

İnsanabənzər meymunlarda – şimpanze, qorilla, oranqutanlarda – insana nisbətən 2 xromosom çoxdur. 

Qeyd edildiyi kimi, insanda 23 cüt xromosom var – bunlardan 23-ü anadan, qalan 23-ü isə atadan bizə keçmişdir. Cəmi 46 xromosom edir. Şimpanzelərdə isə – 24+24=48 qədərdir. Bu qədər meymunlar üçün əzəldən cızılmış qədərdir və insanın qədərindən fərqlənir. İnsanla meymun arasındakı fərq də bu qədərlərin fərqindən qaynaqlanır.

Meymunun bütün canlılar içərisində insana xarici görkəmcə ən yaxını olması heç də ateistlərin inandıqları təkamülün nəticəsi deyil, insanın ikinci və şimpanzenin 12 və 13-cü xromosomlarının birləşdirilmiş strukturunun oxşarlığından qaynaqlanır.

Hər bir xromosom minlərlə sayda genlərə malikdir. Hər bir gen isə insanın yalnız bir əlaməti (məsələn, gözlərin, dərinin rəngi, maddələr mübadiləsinin xüsusiyyətləri və s.) barədə məlumatın daşıyıcısı olur. Bu da Allahın hər bir insane üçün ayrı-ayrılıqda əzəldən cızmış olduğu qədərdir. Bu qədər və ya qədərlər, insanları bir-birindən dərisinin, gözünün, saçının rənginə, burnunun və ya kəllə quruluşunun antropoloji formasına, boyunun uzunluğuna, bədənin tük örtüyünün sıxlığına və s. əlamətlərə görə fərqləndirir.

Hüceyrələrin daxilindəki sonuncu 1 cüt xromosom isə cinsi xromosomlardır. Qadınlarda cinsi xromosomlar eyni (X və X), kişilərdə isə müxtəlif (X və Yiqrek) olur. Beləliklə, qadın xromosom dəsti – 46 XX, kişi xromosom dəsti isə – 46 XY-dir. Bu fakt isə Allahın qadın və kişilər üçün cızdığı iki fərqli qədərdən xəbər verir.

Allahın əzəldən təyin və təqdir etmiş olduğu qədərə görə, yumurta hüceyrəsi və spermatozoidin hər birində 23 sayda xromosom vardır. Mayalanma zamanı bunların birləşməsi nəticəsində yeni orqanizm hüceyrəsi əmələ gəlir və onun da daxilində 46 sayda (23 sayda anadan + 23 sayda atadan) xromosom olur.

Birləşməyə (mayalanmaya) hazır olan cinsi hüceyrələr (yumurta hüceyrələri və spermatozoidlər) qamet adlanırlar. Qadın qametləri ancaq bir növə malik olur – 23 X. Kişi qametləri isə iki növ olur: 23 X və 23 Y. Qadın cinsi hüceyrəsini X-spermatozoid və ya Y-spermatozoid mayalandıra bilər. Buna görə də əgər qadın cinsi hüceyrəsini X-spermatozoid mayalandırarsa qız (23 X ana + 23 X ata = 46 XX) uşağı, Y-spermatozoid mayalandırarsa oğlan (23 X ana + 23 Y ata = 46 XY) uşağı dogulmuş olur.

Beləliklə, doğulacaq uşağın qız və ya oğlan olacağı əvvəlcədən Allah tərəfindən təqdir edilmişdir və istər qadın, istərsə də kişi olsun, hər bir insanın qədəri 23 xromosom daşıyan spermozoidin 23 xromosomlu yumurta hüceyrəsi ilə qovuşması ilə başlayır və onun qədərinin ilk hissəsi ana bətnində keçir.

Yuxarıda qeyd etdiyimiz kimi, bitki, göbələk, heyvan, həşərat və s. canlı növləri fərqli xromosom sayına sahibdirlər. Bu saylar sabitdir, yəni dəyişməzdir və bu səbəbdən də bir növdən təkamül yolu ilə başqa növün törəməsi mümkün deyildir.

Aşağıdakı cədvəldə fərqli canlı növlərinin sahib olduqları xromosom sayları əks olunub:

Allah tərəfindən xromosomlara yazılmış rəqəmsal informasiya təkcə ayrı-ayrı canlıların və insanların deyil, bütöv nəsil və soyların, eləcə də ayrı-ayrı etnosların da gələcək qədərini bəlirləyir. Bunu vaxtilə “Kurqanlarda yatan mifoloji təfəkkür və genetik tariximiz” adlı kitabımı yazarkən anlamışdım. Həmin kitabda qədim və orta əsrlər kurqanlarından çıxan sümüklərin genetik analızı əsasında gəlinən nəticələri əldə əsas tutaraq, Türk etnosunun genetik tarixini qələmə almağa çalışmışdım. Gəldiyim nəticəyə əsasən, irsiyyətin müəyyən edilməsinin əsasını təşkil edən Y-xromosomu atadan oğula keçdiyi və minillər ərzində dəyişmədiyi üçün təkcə ayrı-ayrı fərdlərin deyil, həm də ayrı-ayrı xalqların nəsil ağacının izlənməsinə imkan yaradır.