Charta de Logu

147-De chi hat a esser acattadu portando agresta, o aghina, e non hat a haver bingia.

Volemus et ordinamus, chi qualunca persona, chi non hat a haver bingia, hat a essere acattada portando in domu sua, over in alcun'attera parti agresta, over aghina, e non mostrarit, de chi ill'hat a haviri hapida, e si cussa persona, chi hat a demonstrari, non havirit bingia, paghit cussa persona, ch'illy hat a esser acattada, comenti ed icussa persona, chi demonstrarit, de maquicia assa Corti liras duas pro gognia volta, comenti e icussos, chi hant a intrari in bingia angiena; e nientedeminus paghit su dannu: e smili pena incurrant cussos, a chi hat a esser acattada fruttura, e non hant a haver bingia, e ortos, chi happant de cussa fruttura, over icussos, de chi ill'hant a haviri hapida.

148-De chi hat a levari fruttura dae alcunu logu iscungiadu, chi non esserit suo.

Costituimus, ed ordinamus, chi qualunca persona, de qualunca gradu, istadu, over condicioni siat, non usit, nen presumat levari, over colliri fruttura alcuna de arbori, chi siat in logu iscungiadu, contra voluntadi dessu pubillu, over Guardianu dessu predittu arbori, over arboris, a pena de pagari cussu, ch'illy hat a essere acattadu, over illi hat a esser provadu, sodhus V; e paghit sa fruttura, ch'illi hat a esser acattada e perddatilla, e siat illi leada cussa propia fruttura, e dada, e torrada assu pubillu dess'arbori; e supra ciò paghit su dannu, e sa maquicia, ciò esti, si sa ditta fruttura fussit istetida leada de die, paghit sodhus V, ut supra; e s'esserit de notti, paghit sodhus X; e dessa prova siat cretidu s'accusadori a sagramentu suo, ancu chi siat su pubillu, over attera persona, ch'in cusssa causa tantu, pro beni chi siat parti, pro chi sa parti non debit fagher testimongiu dae ses istessa, però pro custa causa volemus, chi su prescrittu, Capidulu happat legittimu logu.

149-De melloni.

Item ordinamus: qui nexuna persona de qualunca gradu over conditione siat nò usit nen presumat intrare in alcunu ortu de meloni qui siat congiadu:et si alcña persone illoy ad intrare et illoat esser acatado over illat esser provadu sest de die paghit sodhus V et sest de nocte paghit sodhus X et paghit su damno a su pubillu de s'ortu et perdat su melone et siat de su pubillu de s'ortu et pro issa prova si intendat qui siat cretidu a sagramentu suo su accusadore. Et si alcño bestiamini at intrare in alcunos de sos ditos ortos qui siat cungiadu et pro uadu pro cungiadu pro issos jurados electos at prouare bingias et ortos cunyadas su pubillu dessu ortu o homini suo o iuargiu o armentargiu suo o juradu quillat acaptare biellu deppiat ochire et denunciarello secundo si contenit in su capitulu de supra dessas bingias et ortos et icussa pena qui in su capidulu si contenit.

150-De faba.

Volemus et ordinamus: qui persona alcña de calunca gradu over conditioni siat nò vsit nè presumat intrare in alcuna terra de sa ode xixiri o delupino o de alcunu ligumine cungiado over iscongiado qui sa dicta terra non siat sua. Et si alcuna persona illoe at esser acatado over illi at esser probado si est de die paghit soddus X et si est de nocte paghit soddus XX et paghit su damno a su pubillo de su dictu ligumen et perdat su legumen, et issa proha si intendat qui siat cretidu su accusado re a sagramentu suo et issu bestiamì qui silloy at acatare si ochiat et condannent comenti et issu bestiamì qui sat acatare in su lavore,

151-Muda deboes.

Constituimus et ordinamus: qui dogna persona de qualunca gradu istadu over conditioni siat deppiat mitteri et tenne in muda et guardia cussos boes domados ruis armentargius qui at aver de oìa tempus. Et cussos qui nò los ant mittiri et tenne in muda et guardia in oìa (tempus) paghit pro dogna bolta quillat esser acatadu soddus XX et icussu pubillu over homini o iuargiu suo qui ad aver ad tempu de arare over carradore qui at aver torrado alcunu iuho deppiat sa nocte at sin re cuz su iuho over iuhos qui at aver trubado cussa die adi cusso qui at esser guardianu de sos ditos boes pro qui los deressent in logu et in parte qui non fassant damno in bingias et ortos over lavores, et icussu pubillu over homini suo o boynargiu qui cio nò at defaghere paghint per dogna bolta sodus V et a su pubillu dessu iuho cat esser mortu faguendo damno et si nò loy morret paghit su damno ad quillat aver fatu et issas tenturas sest homini de dinaris over iuargiu paghit su iuho qui sat ochier a su pubillu et si non loy morret paghit su dmanu adi cussu quillat auiri factu et issas tenturas et s'issu dictu homini o iu argiu nò averit de quitheu pagare istit impregione infini qui at aver satisfactu sos boes et tenturas et damno cant auiri factos sos dictos boes et dae dies XV de freargiu siant tenudos ciaschuno quillos at aver et tenne at muda et guardia detorrarellos ad corte.

152-Muda de boes.

Item ordinamus: qui culla persone qui ad sa muda de sos boes et nolat guardari et lat refudari tocandoli sa dita muda paghit de maquicia liras V et paghit su damnu qui sos boes ant faghere in cussa iornada qui at refudadu sa dicta muda.

153-De bacas.

Volemus et ordinamus: qui dognia persone de qualunca grado istado over conditione siat qui at aver bacas et ebbas illo depiant tenne in sas dictas bacas bacargios et in sas ebbas asones secundoi sa quantidade de ciaschuno armento et dedognia truma de oìa (tempus) de s'anno et qui conmtra faghere depiat pagare pro dognia bolta qui at esser acatado over asones secundu qui est narado de supra paghit pro dognia volta a sa camera nostra liras duas sos calis bacargios et assones siant tenudos et deppiant sas ditas bacas et ebbas colliri et gordare et tenne in sos montes vsados qui nò siant in sa villa nen in abitione de arare ne de paschere bestiamen masedo de sa prima die de Santu Saturro in fina a dies XV de Lampadas sas ebbas et issas bacas infini asas prima die de treulas et tando sos bacargios et asones illas deppiàt tenne in guardia qui nò intrint in pardo de hierro, et silloy intrant siat licidu de ochirella gasi dessu armentu de sas bacas comenti et de sas trumas de sas ebbas una tantu pro bolta, et icussas ebbas et bacas qui sant ochier in sos dictos pardos siant de sos pardargios quillas ant ochier si morret dintro desso pardo. Et icussu qui nò at montare su bestiamì qui at aver in guardia secundum qui est narado de supra paghit a sa camera nosta sodhus XX et issu offciale comandit a su dittu pastore qui infra dies tres depiat montare:et si nò obediret et fagheret su comandamentu deppiat illu tenne et mandare a prexione et fassat gordare su dictu bestiamen ad ispendiu de so ditu pastore qui at tenne in guardia et paschiri cussu predictu bestiamen de supra narrado.