Sxem 6.1. Müəssisənin inkişafında marketinq strategiyasının formalaşmasının əsas problemləri
Bunlara uyğun olaraq müəssisələrin marketinq strategiyalarının hazırlanması və əsaslandırılması prosesində üç qarşılıqlı əlaqəli məsələ həll edilir:
Kompleks marketinq tədbirlərinin hazırlanması (yeni məhsul növlərinin hazırlanması, alyansların qurulması, bazarın diversifikasiya edilməsi), bazara daxil olduqda maneələrin aradan qaldırılması və s.;
Xarici mühit dəyişikliklərinə müəssisənin fəaliyyətinin adaptasiya olunması (cəmiyyətlə əlaqələrdə mədəni-mənəvi yanaşmalar, ölkədə sosial durum, iqtisadi konyunktura və s. nəzərə almaq);
Müştərilərin tələbatlarının dəyişməsinə müəssisənin marketinq siyasətinin adevkat olmasının təmini (istehsal olunan məhsulun və xidmətlərin nomenklaturasının dəyişməsi, müştərilərin tələbatlarını bilmək, bazarın seqmentlərinin dəqiqləşdirilməsi və s.).
Marketinq strategiyası və yaxud müəssisənin inkişafının marketinq strategiyası özünü müəssisənin bazara istiqamətlənmiş fəaliyyətinin məcmusu kimi təqdim edir.
Müəssisənin marketinq strategiyası müəyyən vaxt ərzində arzu edilən konkret mövqeyə malik olmaq üçün tələb olunan şəraitin yaradılmasını təmin edir və bu aşağıdakı sxemdə öz əksinin tapmışdır.
Sxem 6.2. Rəqabət üstünlüyünə görə səmərəliliyin əldə edilməsi üçün müəssisənin marketinq strategiyası
Marketinq strategiyasının planlaşdırılmasında dörd əsas yanaşmanı ayırmaq qəbul edilmişdir:
İ.Ansoffun mallar-bazar üzrə imkanlar matrisası;
Boston məsləhət qrupunun matrisası (BMQ);
Gəlirə görə bazar strategiyasının təsir proqramı (PİMS);
M.Porterin ümumi rəqabət strategiyası.
Müəssisənin inkişafının marketinq strategiyasının əsas komponentləri aşağıdakı sxemdə verilmişdir:
