Bazar müəssisənin istehsal etdiyi məhsulla tam təmin olduğu mərhələlərdə əvvəldən qiymətlərin müəyyən dərəcədə aşağı salınması nəzərdə tutulur. Müəssisə bu formada fəaliyyət göstərməklə dəyişkən bazarda yeni alıcılar qazanır, satışın həcmini artırır, gəlirin səviyyəsini saxlayır və yaxud artırır.
Uzunmüddətli dayanaqlı qiymət
Bir qayda olaraq məhsullara kütləvi tələbat olan hallarda istifadə edilir. Belə stategiyalar istehlakçıları cəlb edir, onlar məhsula biganə qalırlar. Bu hal müəssisənin mənfəətinin artması və istehsal xərclərinin xüsusi çəkisinin azalması hesabına ola bilər.
Çevik qiymət
Bu metoddan rəqibləri sıxışdırmaq, onlara qarşı əks təsir aləti kimi istifadə etmək məqsədəmüvafiqdir. Bu müəssisənin bazar konyukturasında baş verən dəyişikliklərə müəssisənin göstərdiyi reaksiyadır, yəni qiymətlərin aşağı düşməsinə tələb olduqda aşağı salır və artdıqda isə yüksəldir.
Üstün qiymətlər
Qiymətlərin qoyulmasında bu metoddan əsasən rəqibinə nisbətən daha çox aşağı xərcləri olan lider müəssisələrin istifadə etməsi üstünlük təşkil edir. Bu müəssisəyə rəqibin hücum etdiyi dövrdə daha aşağı qiymət qoymağa imkan verə bilər.
İstehsaldan çıxarılmış məhsula qoyulan qiymət
Müəssisə tərəfindən məhsula qiymətqoymanın bu metodundan adətən istehsaldan çıxarılmış məhsulların ehtiyatda olan hissəsi üçün qiymət qoyulduqda istifadə edilir. Bu halda insanların köhnə metodlara psixoloji bağlılığı effektindən istifadə edilir. Bununla yanaşı bazarın bu seqmentinin çox dərindən öyrənilməsi tələb olunur.
İcarə qiyməti
Qiymət qoymanın bu metodundan adətən o məhsullar üçün istifadə edilir ki, alıcı onun alınmasına deyil, icarə götürülməsinə üstünlük verir (məsələn: avtomobil, mənzil, ofis və s.). Bu zaman qiymət məhsulun ilkin qiymətindən, xidmət və icarə müddətindən aslıdır.
Məhsulların hərəkət strategiyası marketinq strategiyasının elementi kimi istehlakçıların məhsula yaranmış münasibətlərini möhkəmlətmək üçün müəssisə tədbirlər sistemini əsaslandırır və hazırlayır. Bu strategiya müxtəlif istehlakçılara- səhmdarlara, hökumətə, idarə və işçi heyyətinə və s. ünvanlandırılır. Eyni zamanda, bu tədbirlər müxtəlif məqsəd, bilik və tələbata malik olan bu qrupların hər biri üçün spesifik olmalıdır.
Məhsulların hərəkəti strategiyasının əsas funksiyası kimi aşağıdakıları qeyd etmək olar:
Məhsullar, xidmətlər və aşağı qiymətlərin cəlbedici obrazını yaratmaq;
Məhsul və xidmətlərin göstəriciləri haqqında məlumat vermək;
Yeni məhsulların və xidmətlərin tanınması;
Satış kanalları iştirakçıları arasında maraqların yaradılması;
İstehlakçıların bir məhsul və xidmət növündən digərinə keçmələrinə inamın yaradılması;
Məhsul və xidmətlərin qiymətlərinin əsaslandırılması;
Şirkət, onun məhsul və xidmətlərinin rəqiblərinə nisbətən əlverişli olması haqqında məlumatların formalaşdırılması.
Məhsulun hərəkət strategiyası özünə bir neçə əsas elementləri birləşdirə bilər:
