Şəkil 3.1.1. Respondent təhsil müddəti üzrə konkret intervala aid ediləndə, belə sual meydana çıxır. Intervalın aşağı və yuxarı sərhədləri hara daxildirlər? Başqa sözlə, məsələn təhsil müddəti 4 saat olan tələbəni hansı intervala aid etmək olar. Axı onu həm birinci və həm də ikinci intervala aid etmək olar. Bu problem çox sadə həll olunur. məsələn, sosioloq qərar qəbul edir ki, intervalların bütün yuxarı sərhədləri intervala aiddir. Onda təhsil müddəti 4 saata bərabər olan tələbə üçüncü intervala aid ediləcəkdir. 8 saatlıq təhsil müddəti olan tələbə beşinci intervala aid ediləcəkdir və s.
Elə bu intervalları başqa formada da vermək olar.
0 – 1 saat
1.1 – 2.5 saat
2.6 – 4 saat
4.1 – 7 saat
7.1 – 8 saat
8.1 – 9 saat
Bu halda hesablamalarda başqa problem yaranır. Məsələn, əgər tələbənin təhsil müddəti 1.09 saatdırsa, yenə də qərarın qəbulu sosioloqun əlindədir. O, təkcə yuxarı sərhəddi intervala aid etməkdən başqa, həm də növbəti intervalın aşağı sərhəddindən aşağı olanı da intervala aid edə bilər, yəni təhsil müddəti 1.09 saat olan respondent birinci intervala aid oluna bilər. Tətbiq olunmuş ilk intervallardan istifadə edərkən respondentlərin bölgüsünü hesablayaq (cədvəl 3.1.3).
