Deuterokanonik kitabları Yoxlama versiyası
Yüklə 0,96 Mb. Pdf görüntüsü
|
| Esterin duası
29 [12] Ölüm iztirabına düçar olmuş, amansız təhlükə ilə üzləşən Mələkə Ester də Rəbbinə sığındı. 30 [13] Təntənəli libasını çıxarıb yas geyimlərini geyindi. Bahalı ətirlər əvəzinə başına kül və peyin tökdü. Bədənini çox üzdü, şənliyində bəzəndiyi hər bir hissəsini dağılmış saçları ilə örtdü 31 [14] və İsrailin Allahı Rəbbə yalvararaq belə dedi: «Rəbbim mənim! Padşahımız yalnız Sənsən; Mənə kömək et, tənhayam, Səndən başqa köməyim yoxdur; Çünki bəla məni haqlayıb. 32 [15] Həyatım təhlükədədir. 33 [16] Uşaqlıqdan bəri ailəmlə birlikdə olarkən Onların mənə öyrətdiklərinə görə, Rəbbim, Sən bütün xalqlar arasından İsraili seçdin, Qədim dövrlərdə yaşamış Bütün ulu babalar arasında atalarımızı seçdin, Biz əbədi olaraq Sənin mirasın olacağıq. Onlara söz verdiyin kimi davrandın. 34 [17] Amma biz Sənə qarşı günah etdik, Sən bizi düşmənlərimizə təslim etdin. 35 [18] Çünki biz onların allahlarına ibadət etdik. Rəbbim, Sən adilsən. 36 [19] Amma köləliyimizin acısı Hələ onlara kifayət etmədi! Öz əllərini bütlərinin əlinə verdilər ki, 37 [20] Sənin ağzından çıxan əmrlərini Yerə salsınlar, Sənin mirasını dağıtsınlar, Səni mədh edən ağızları susdursunlar, Sənin məbədinin izzətini və Sənin qurbangahını söndürsünlər. 38 [21] Bunun əvəzində bütpərəstlərin ağzını açsınlar, Dəyərsiz bütləri mədh edib Ətdən və sümükdən olan bir padşahı Əbədi olaraq ucaltsınlar. 39 [22] Rəbbim, Öz hökmdarlıq əsanı Mövcud olmayanlara təslim etmə, Qoy bizim məğlub olmağımıza sevinməsinlər, Amma niyyətlərini Onların özlərinə qarşı çevir, Bizə qarşı olan böhtançını isə Xalqın qarşısında ibrət dərsinə çevir. 40 [23] Bizi yada sal, Rəbbim; Təhlükəli günlər yaşadığımız zaman Verdiyin ilhamla Özünü bizə göstər. Mənə cəsarət ver. Sən allahların Padşahısan və bütün başçıların Ağasısan. 42 41 [24] Bu aslanla qarşılaşdığım zaman Dilimə xoş sözlər qoy; Onun ürəyini bizi təqib edənə qarşı Nifrətlə doldur ki, Düşmənimizin və onunla əlbir olanların sonu gəlsin. 42 [25] Bizi isə qüdrətinlə qurtar, Mənə kömək et, çünki tənhayam, Səndən başqa kimsəm yoxdur, Rəbbim. 43 [26] Ya Rəbb, Sən hər şeyi bilirsən, Qanunsuzların şöhrətinə nifrət etdiyimi, Sünnətsizlərin və hər hansı bir yadellinin Yatağından iyrəndiyimi bilirsən. 44 [27] Sıxıntı içində olduğumu bilirsən, Yüksək vəzifəmin rəmzindən iyrəndiyimi bilirsən. Padşahın sarayına girdiyim zaman Başımda olan bu rəmz alnımı qurşayır. Aybaşı qanı ilə murdarlanmış cındır kimi ondan iyrənirəm, Boş vaxtlarımda onu başıma qoymuram. 45 [28] Sənin qulun Hamanın süfrəsindən dadmayıb, Padşah ziyafətinə ehtiram göstərməmişəm, Bütə təqdim olunan şərabdan içməmişəm; 46 [29] Mələkə olduğum gündən bu günə kimi, Ya Rəbb, İbrahimin Allahı, Sənin qulun Səndən başqa heç kimlə şənlənməyib. 47 [30] Hər şey üzərində gücə malik olan Allah! Ümidsizlərin səsini eşit, Bizi pis niyyətdə olanların əlindən xilas et, Məni öz qorxumdan qurtar». Yüklə 0,96 Mb. Dostları ilə paylaş:
|