Tədqiqatın obyekti və predmeti: Tədqiqatın obyekti tədris prosesində baş verən normadan kənaraçıxma halları və onların həlli yollarıdır. Predmeti isə xarici dilin tədrisi prosesi, eləcə də Azərbaycan dilinə və xarici (ingilis dilinə) dilə aid normativ qrammatikalar və tədris materiallarıdır.
Tədqiqatın məqsədi və vəzifələri:Tədqiqatın məqsədi ana dilinin və xarici dilin əlaqəli öyrənilməsində interferensiyanın kompleks tədqiqini aparmaqdır. Bu baxımdan interferensiya hadisəsinin öyrənilməsi məqsədi ilə aşağıdakı əsas vəzifələri yerinə yetirmək daha aktualdır :
İnterferensiya hadisəsinin nəzəri əsası təyin edilməli, dil əlaqələri zamanı interferensiya hadisəsinin baş vermə məqamları aşkar etmək, qarışıq dil hadisələrini göstərmək, ingilis dilinin tədrisində ana dilinin interferensiyasını müəyyənləşdirmək, ikinci dilin öyrənilməsində əsas ana dilinin rolu və xüsusiyyətlərini öyrənmək;
Tədris prosesində interferensiyanın düzgün təhlilini vermək, interferensiyanın Azərbaycan və ingilis dillərində baş vermə səbəblərini aydınlaşdırmaq, və bu dillərin əlaqəsi zamanı onlar arasında baş verən interferensiyanın növlərini müəyyənləşdirmək;
