Tədqiqatın elmi yeniliyi iki dilin qarşılıqlı əlaqəsi zamanı (Azərbaycan və ingilis) baş verən interferensiya hadisəsinin meydanagəlmə səbəblərinin bütün dil səviyyələrində aydınlaşdırılması və xarici dilin tədrisinə düzgün tətbiq edilməsidir. Tədqiqat işində Azərbaycan dilçiliyində ilk dəfə olaraq interferensiyanın linqvistik statusu dəqiqləşdirilir, fonetik, leksik, morfoloji, semantik səviyyələrdə, eləcə də cümlə və mətn səviyyəsində interferensiya hadisəsinin mahiyyəti araşdırılır. Tərcümə və onunla sıx bağlı olan tədris prosesində interferensiyanın təsir dairəsi və özəllikləri müəyyənləşdirilir.
