Fənn: Fəlakət hallarında humanitar logistika və nəqliyyat servisləri Mövzu: Anbarlaşma və anbar idarəetmə sistemi Plan



Yüklə 33,26 Kb.
səhifə7/21
tarix05.01.2022
ölçüsü33,26 Kb.
#111288
1   2   3   4   5   6   7   8   9   10   ...   21
Şərikli istifadə edilən anbarlar tam, təsərrüfat, kommandit yoldaşlıqları, istehsal kooperativləri, birgə və müştərək formasında olan müəssisələrə məxsus olan anbarlardır. Belə anbarlara adətən kooperativ qaydada istifadə olunan anbarlar da deyilir. Şərikli anbarlardan bir neçə istehsalçı müəssisə və ya ticarət təşkilatı istifadə edir.

Şərikli anbarların tikilməsi üçün şərik tərəflərin ümumivəsaitindən birgə istifadə edilməsinə dair müqavilə bağlanır. Müqavilə şərtlərinə uyğun olaraq hər bir ticarət təşkilatı və ya istehsal müəssisəsinin tikinti xərcləri və onun üçün ayrılmış anbar sahəsi müəyyənləşdirilir. Şərikli anbarda mərkəzləşdirilmiş qaydada təsərrüfat rəhbərliyi həyata keçirilir. Bu, anbar binasının saxlanılması ilə bağlı xərclərə və ilk növbədə inzibati-idarəetmə xərclərinə qənaət olunmasma, habelə istehsalın və ticarət şəbəkələrinin vaxtı-vaxtında material resursları və əmtəəlik məhsullarla səmərəli təminatına imkan verir. Şərikli mülkiyyət sahiblərinin hər biri bu növ anbarların normal fəaliyyət göstərməsi üçün müqavilə öhdəliyi daşıyır və bu öhdəliklərin yerinə yetirilməsi üçün maddi məsuldur.

Logistikada material axınlarının idarə edilməsi ilə bağlı qərarların qəbul edilməsi üçün məhz anbarların firma və ya şirkətə, habelə logistik vasitəçilərə məxsus olması mühüm əhəmiyyət kəsb edir. Logistik vasitəçilərin anbarları dedikdə: ticarət və nəqliyyat-ekspeditor firmalarına məxsus olan yük terminalları, yük emal edən müəssisələrin sortlaşdırma, dəstləşdirmə, konsiqnasiya anbarları, eləcə də sair vasitəçilərin, məsələn, yüklərin «təmizlənməsi»ni həyata keçirən gömrük orqanlarının müvafiq anbarları nəzərdə tutulur.

Funksional təyinatına görə anbarları aşağıdakıkimi fərqləndirirlər:



  • istehsal prosesinin fasiləsizliyini təmin etmək üçünbufer ehtiyatları anbarı;

  • qarışıq, kombinələşdirilmiş, intermodal və sair daşımaları yerinə yetirən zaman nəqliyyat şəbəkələrində yüklərin ötürülməsi məqsədinə xidmət edən anbarlar- terminallar;

  • alıcıların spesifik tələblərinə müvafiq olaraq sifarişlərin formalaşması üçün təyin edilən komission anbarlar;

  • anbarlaşdırılan məmulatların mühafizəsini təminedən saxlama anbarları;

  • xüsusi anbarlar (məsələn, gömrük anbarları, müvəqqəti saxlama anbarları, taralar, istifadə məqsədilə geri qaytarılan tullantılar və s.) .

Nəqliyyat şəbəkələrində yüklərin bir nəqliyyat növündən digərinə (məsələn, dəmir yolu nəqliyyatından avtomobil nəqliyyatına və ya əksinə) ötürülməsi-yüklənməsi üçün və məhsulların qısamüddətli saxlanılması üçün istifadə edilən anbarları tranzit anbarları da adlandırırlar. Tranzit anbarları məhsullar və ya məhsulqrupları üzərində əlavə texnoloji əməliyyatlar aparmır və onlarınqəbul edilən formada göndərilməsini həyata keçirir. Belətip anbarlar əsasən dəmir yolu stansiyalarında, su körpülərində, port və ya limanların yaxınlığında təşkil edilir. Bu anbarlardan istifadənin məqsədi məhsul alan təşkilatların dəmir yolu və yaxud su magistrallarından uzaqda yerləşməsindən və məhsulların ən qısa vaxtda qəbul edilib konkret ünvanlara göndərilməsindən ibaratdir. Praktiki təcrübə sübut edir ki, tranzit anbarlarının topdan ticarət şəbəkələrində yaradılması iqtisadi cəhətdən daha əlverişlidir. Çünki, pərakəndə ticarətlə məşğul olan firma və müəssisələrdən fərqli olaraq topdan ticarət təşkilatları iri partiyalarla məhsul alıb göndərmək və ya onları qısa müddətdə istehlakçı sifarişlərinə müvafiq formada kiçikpartiyalara ayırmaq imkanlarına malikdir.

Anbarları xarakterizə edən ən mühüm əlamətməhsulların və çeşidin ixtisaslaşması dərəcəsindən, habelə ən mühüm anbar əməliyyatlarının xarakterindən ibarətdir. İxtisaslaşdırılmış anbarlar bir və ya bir neçə məhsul qrupları üzrə məhdudlaşdırıldığına görə dar ixtisaslaşdırılmış, ixtisaslaşdırılmış və geniş çeşidli ixtisaslaşdırılmış anbarlaraayrılır.



Dar ixtisaslaşdırılmış anbarlar öz fəaliyyətlərini məhdud bir məhsul növünü (metal, parça, şəkər, bitki yağı, sürtkü materialları və s.) saxlamaq və ya həmin məhsul qrupu üzərində istehsal-texnoloji və ya ticarət-texnolojiəməliyyatlar aparmaqla həyata keçirir.

Əməliyyatların bir məhsul qrupu (metal məmulatları, qənnadı, şərab-araq məmulatları, meşə materialları, kağız məhsulları və s.) üzrə aparıldığı anbarlara ixtisaslaşdırılmış anbarlar deyilir.

İxtisaslaşdırılmış anbarlarda məhsulların qrupdaxili geniş çeşidi yaradılır. Bir və ya bir neçə məhsul qrupu üzrə fəaliyyətin məhdudaşdırılması bir tərəfdən məsulların saxlanılması və anbar əməliyyatlarının tələb oluunan formada təşkilini yaxşılaşdırmağa imkan verirsə, digər tərəfdən anbarların xırdalanmasına səbəb olur.


Yüklə 33,26 Kb.

Dostları ilə paylaş:
1   2   3   4   5   6   7   8   9   10   ...   21




Verilənlər bazası müəlliflik hüququ ilə müdafiə olunur ©muhaz.org 2024
rəhbərliyinə müraciət

gir | qeydiyyatdan keç
    Ana səhifə


yükləyin