Jadvalni tahlili shuni ko‘rsatdiki jinoyatlar sodir etgan shaxslarning asosiy jins vakillari erkaklar tashkil etmoqda, Lekin jinoyatning firibgarlik turi bo‘yicha 16.2 foiz, iqtisodiyot asoslariga qarshi jinoyatlar 16.3 foiz, boshqa turdagi jinoyatlar 50.1 foizi ayollar tashkil etmoqda. Shu bilan birgalikda tovlamachilikda 0.7 foiz ko‘rsatkichlar ayollar bilan bevosita bog‘liq ortiqligini ko‘rsatmoqda.
Jinoyatchilikning holati uning miqyosi, dinamikasi va tarkibi bilan tavsiflanadi. Jinoyatchilikning miqyosi ro‘yxatga olingan jinoyatlar sonining 13 va undan katta yoshdagi aholi soniga (10 ming kishi boshiga) nisbati bilan aniqlanadi.
Sirdaryo viloyatida mehnatga yaroqli aholi soni 2013-yil malumotiga ko‘ra 448 ming kishini tashkil qilgan.
Bizni fikrimizcha 2018-yilgi Sirdaryo viloyatining statistik ma’lumotiga ko‘ra 51775 kishi turli jinoyatlar sodir etgan bo‘lib har 1000 kishiga 11,5 ta jinoyatchi to‘g‘ri kelmoqda.
Xulosa qilib aytganda Sirdaryo viloyatida ham jinoyatchilikning ma’lum turlari mavjudligi ular esa iqtisodiyotning rivojlanishida o‘zining oz bo‘lsada tasirini ko‘rsatib kelmoqda. Geokriminogen vaziyatni yaxshilashning ta’sirchan vositalaridan biri-fuqarolarning ijtimoiy va siyosiy faolligini oshirishdan iboratdir. Ijtimoiy-siyosiy faollik fuqarolarni davlat va jamiyat ishlariga keng jalb qilishdan boshlanishi kerak. Hududlarda aholini bandlik darajasini ko‘tarish asosida geokriminogen vaziyatni yaxshilashga erishish mumkin.