1. Nikohlar mutlaq soni va nikoh koeffitsientlari Demografik tahlilda nikoh ko‘rsatkichlari uning shakllanishi va o‘zgarishi tendenstiyalarini turli jihatdan tavsiflaydigan ko‘rsatkichlar tizimi bilan o‘lchanadi. Ular uchun umumiy jihat shundaki, ular nikoh tuzishni joriy qayd qilishga asoslanadi va shuning uchun faqat qonuniy, yuridik rasmiylashtirilgan nikohlarni tavsiflaydi. Boshqacha qilib aytganda, ular ayniqsa, birga yashash holatlari ulushi katta bo‘lgan hollarda nikoh ko‘rsatkichlari to‘liq haqiqiy suratini bermaydi. Ularning asosiy kamchiligi mana shunda.
Tahlilda boshlang‘ich ko‘rsatkich sifatida u yoki bu davr mobaynida, odatda, yil davomida tuzilgan nikohlar mutlaq soninamoyon bo‘ladi. Nikohlar mutlaq soni mamlakatda yoki mintaqada qonuniy nikoh ko‘rsatkichlarining yalpi hajmini tavsiflaydi. U shuningdek, vaqt bo‘yicha nikoh ko‘rsatkichlarining o‘zgarish tendenstiyalari haqida dastlabki tasavvurga ega bo‘lish uchun ham foydalanilishi mumkin. Biroq ushbu ko‘rsatkichning qimmati shu bilan yakun topadi.
O‘zbekistonda tuzilgan nikohlar soni 5.1-jadvalda aks etgan.
Har qanday mutlaq demografik ko‘rsatkich kabi, nikohlar soni aholining umumiy soniga va demografik tarkibiga, jumladan, aholining nikoh tarkibida yuzaga kelgan mutanosibliklarga bog‘liq bo‘ladi. Shu sababli mamlakatlararo yoki mintaqalararo taqqoslashlar uchun nikohlar mutlaq sonidan foydalanib bo‘lmaydi.
Nikoh takroriyhodisalar yuzaga keltiradigan jarayonlar qatoriga kiradi. Hozirgi sharoitlarda inson hayoti davomida cheklanmagan marta nikohdan o‘tishi mumkin. Nikohdan birinchi(shuningdek, ikkinchi, uchinchi va h.k.) marta faqat bir marta o‘tish mumkinlgi esa boshqa masala.
6.1-jadval Tuzilgan nikohlar soni, mingta
