Mədəniyyət və Turizm Nazirliyinin 2012-ci ilin birinci yarısında gördüyü işlər haqqında hesabat

Sizin üçün oyun:

Google Play'də əldə edin


Yüklə 353.1 Kb.
səhifə2/3
tarix20.05.2018
ölçüsü353.1 Kb.
1   2   3

24-25 may 2012-ci il tarixdə Astanada keçirilən IX Beynəlxalq Kitab Müsabiqəsində Azərbaycan kitabları uğurla iştirak etmiş, Nazirliyin dəstəyi ilə “Təhsil” nəşriyyatında nəfis şəkildə tərtib olunmuş “Novruz” kitabı (müəlliflər: Ədalət Vəliyev və Vaqif Bəhmənli) “Mənim ölkəm” nominasiyasında qalib gəlmiş, eyni zamanda “Nobel” kitabı ilə birlikdə “Qaran Pri” nominasiyasında xüsusi diploma layiq görülmüşdür. Bundan əlavə, M.Ə.Sabirin “Təhsil” nəşriyyatında işıq üzü görən “Hophopnamə”si və Yusifin “Anama məktublar” kitabı da müsabiqənin qalib kitablarından olmuşdur.

Beləliklə, 6 nominasiyada iştirak edən Azərbaycan kitabı 5 mükafat qazanmışdır.


2012-ci ilin birinci yarısında Nazirliyin tabeliyində olan “Mədəniyyət” qəzeti və “Mədəni həyat” jurnalı vaxtlı-vaxtında nəşr olunmuş, öz səhifələrində ölkəmizin mədəni həyatında baş verən hadisələrə dair maraqlı yazılar dərc etmişlər.

“Mədəniyyət” qəzeti Novruz bayramı ilə əlaqədar illüstrasiyalı, rəngli xüsusi buraxılış nəşr etmişdir.



“Mədəniyyət” kataloqunun növbəti beşinci sayı nəşrə hazırlanmışdır.

2012-ci ilin birinci yarısında Mədəniyyət və Turizm Nazirliyinin ən geniş sahələrindən biri olan kitabxana-informasiya sahəsinin inkişafı və modernləşdirilməsi Nazirliyin fəaliyyətində prioritet istiqamətlərdən biri olaraq qalmışdır.


Azərbaycan Respublikası Prezidentinin Administrasiyasından daxil olmuş “Azərbaycan-2020: gələcəyə baxış” Konsepsiyasının Kitabxana-informasiya bölməsinə dair təkliflər hazırlanmış və təqdim edilmişdir. Təkliflərdə ölkə kitabxanalarının mövcud vəziyyəti, əldə olunmuş nailiyyətlər, kitabxana-informasiya sahəsində qəbul olunmuş Dövlət Proqramı, Dövlət Proqramının həyata keçirilməsi üzrə Tədbirlər Planının icra vəziyyəti, kitabxana-informasiya sahəsində qabaqcıl beynəlxalq təcrübə, 2020-ci ilədək olan dövrü əhatə edən mövcud problemlərin həlli yolları, həyata keçirilməsi zəruri olan tədbirlər, perspektiv inkişaf istiqamətləri və s. öz əksini tapmışdır.

Azərbaycan Respublikası Nazirlər Kabinetinin müvafiq qərarına uyğun olaraq respublikanın bütün şəhər və rayon MKS-lərinin strukturunun təkmilləşdirilməsi və kitabxana filiallarının birləşdirilməsi işi həyata keçirilmişdir. Sözügedən layihənin icrasında şəhər (rayon) MKS-lərinə Nazirlik tərəfindən hərtərəfli metodiki və təşkilati dəstək göstərilmişdir.

Azərbaycan Respublikası Prezidentinin 2008-ci il 6 oktyabr tarixli Sərəncamı ilə təsdiq edilmiş «Azərbaycan Respublikasında kitabxana-informasiya sahəsinin 2008-2013-cü illərdə inkişafı üzrə Dövlət Proqramı»nın həyata keçirilməsi üzrə Tədbirlər Planının 2.1. bölməsində kitabxana fondlarının müasir informasiya daşıyıcıları ilə (elektron kitablar, CD, DVD) zənginləşdirilməsi barədə müvafiq tapşırıqlar verilmişdir.


Hesabat dövründə kitabxanaların multimedia fondlarının zənginləşdirilməsi məqsədi ilə mühüm işlər həyata keçirilmiş və Dövlət Proqramının icrasına uyğun olaraq layihənin icrasına başlanmışdır.

Layihə çərçivəsində M.Seyidzadə adına uşaq kitabxana filialı-kitab mağazasında şəhər (rayon) kitabxanalarının multimedia nəşrləri ilə zənginləşdirilməsi məqsədi ilə multimedia resurslarının (CD, DVD, elektron kitab, elektron dərslik) satışı, habelə Azərbaycan və rus dillərində hazırlanmış multimedia tədris resurslarına abunə yazılışı təşkil edilmişdir.

“Azərbaycan Respublikasının şəhər (rayon) mərkəzləşdirilmiş kitabxana sistemlərinin, müstəqil kitabxanaların, şəhər, qəsəbə və kənd kitabxana filiallarının, habelə şəhər, qəsəbə kütləvi, uşaq və gənclər kitabxanalarının nümunəvi strukturu və ştat vahidləri” barədə Azərbaycan Respublikası Nazirlər Kabinetinin 2011-ci il 11 oktyabr tarixli Qərarına uyğun olaraq şəhər (rayon) kitabxanalarının strukturları təkmilləşdirilmiş və kitabxanalarda yeni şöbələr (Kitabxana-biblioqrafiya proseslərinin avtomatlaşdırıllması, İnformasiya-Resurs) və ştatlar (multimedia mütəxəssisi, operator, kitabxanaçı-informasiya texnologiyaları üzrə mütəxəssis, sistem inzibatçısı, proqramçı) yaradılmışdır.

Nazirliyin sisteminə daxil olan respublika əhəmiyyətli kitabxanaların maddi-texniki bazasının möhkəmləndirilməsi, onların müasir avadanlıqlarla təchiz edilməsi istiqamətində əməli işlər həyata keçirilir. Bu məqsədlə C.Cabbarlı adına Respublika Gənclər Kitabxanasına, Respublika Gözdən Əlillər Kitabxanasına, Bakı şəhəri, Sabunçu rayon MKS-nə, Quba, Masallı, Ağdam, Ucar, Qobustan, Ağsu, Cəbrayıl, Daşkəsən, Xızı, Laçın, Şuşa, Beyləqan, Füzuli rayon MKS-lərinə kompyuter, printer, skaner və s. avadanlıqlar əvəzsiz olaraq verilmişdir.

Avropa Yenidənqurma və İnkişaf Bankının dəstəyi ilə gerçəkləşdirilən “Azərbaycanın ədəbi irsinin virtual bazası” layihəsi Xarici İşlər Nazirliyi ilə birgə həyata keçirilir. Bununla əlaqədar Azərbaycan muzey və kitabxanalarında saxlanılan müvafiq kitabların elektron versiyalarının hazırlanması və onların İnternet səhifəsində yerləşdirilməsi üçün təklif olunan kitabların siyahısı hazırlanaraq Xarici İşlər Nazirliyinə təqdim edilmişdir.


Xocalı faciəsinin 20-ci ildönümü respublikanın bütün kitabxanaları tərəfindən qeyd olunmuş, kitabxanalarda kitab sərgiləri, ədəbi-bədii gecələr, dəyirmi masalar keçirilmiş, kitabxanaların Veb-saytlarında Xocalı faciəsi haqqında geniş məlumatlar yerləşdirilmişdir.

Nazirlik tərəfindən Dövlət Proqramının icrası məqsədi ilə yaradılmış veb-saytların və Elektron kataloqların monitorinqi aparılmış, monitorinq nəticəsində aşkar olunmuş nöqsan və çatışmazlıqların aradan qaldırılması məqsədi ilə monitorinqin nəticələri şəhər, rayon MKS-lərinə göndərilmiş və müvafiq tapşırıqlar verilmişdir.

Kitabxanaçıların təhsili, o cümlədən bilik və bacarıqlarının inkişafına Nazirlik tərəfindən xüsusi önəm verilmişdir. Bununla əlaqədar Rusiya Federasiyasının Mədəniyyət, İncəsənət və Turizm İşçilərinin Yenidən Hazırlanması Akademiyası tərəfindən 10 Azərbaycan mütəxəssisi üçün “Kitabxanaların fəaliyyətində İnternet-texnologiyalarının tətbiqi” proqramı üzrə distant təhsil kursu təşkil olunmuş və kitabxanaçılar sözügedən kurslarda iştirak etmişlər.

Azərbaycan kitabxanaları üçün zəruri olan hazır biblioqrafik təsvirlərin Rusiya Milli Kitabxana İnformasiya Mərkəzindən (LİBNET) alınması sözügedən təşkilatla razılaşdırılmışdır.

Bundan əlavə, Azərbaycan Milli Kitabxana İnformasiya Mərkəzi (AZLİBNET) yaradılmışdır. Artıq AZLİBNET-in veb-saytı hazırlanmış, toplu kataloqun yaradılmasında bir sıra işlər görülmüşdür.

Hesabat dövründə, Rusiya Dövlət Kitabxanası, habelə Rusiya Xarici Ədəbiyyat Kitabxanasının rəhbərliyi və tanınmış kitabxana mütəxəssisləri Azərbaycanda səfərdə olmuş, respublikanın aparıcı kitabxanalarında görüşlər keçirmiş və Azərbaycan kitabxanaçıları ilə fikir mübadiləsi aparmışlar.

Həmçinin, Türkiyənin Alaniya kitabxanasına Azərbaycan, onun mədəniyyəti, tarixi, turizmi, adət və ənənələri, dövlətçiliyi barədə müxtəlif kitablar və elektron nəşrlər göndərilmişdir.

Azərbaycan Respublikası Prezidentinin 2008-ci il 6 oktyabr tarixli Sərəncamı ilə təsdiq edilmiş «Azərbaycan Respublikasında kitabxana-informasiya sahəsinin 2008-2013-cü illərdə inkişafı  üzrə Dövlət Proqramı»nın həyata keçirilməsi üzrə Tədbirlər Planının 2.2.17 və 2.6.14 bəndlərinin icrası məqsədi “Dağıdılmış sərvətlər, məhv edilmiş kitabxanalar” adlı kitabçanın ingilis və rus dillərində tərcüməsi işi başa çatdırılmışdır. Hazırda kitabça nəşrə hazırlanır. Nəşrdə Ermənistan silahlı birləşmələri tərəfindən 1988-ci ildən başlayaraq Azərbaycana qarşı aparılan işğalçı müharibə nəticəsində zəbt olunmuş Azərbaycan torpaqlarında dağıdılmış və talan edilmiş Azərbaycan kitabxanaları, onların fotoşəkilləri (işğaldan əvvəl və sonra), habelə bir sıra statistik məlumatlar rayonlar üzrə sistemli şəkildə verilmişdir.

Dövlət Proqramının icrasını təmin etmək məqsədi ilə “Quba və qubalılar” kitabı nəşrə hazırlanır. Kitabda Qubanın tarixi abidələri, təbiəti, turizm gözəllikləri, tarixi, görkəmli şəxsiyyətləri və s. haqqında ətraflı məlumatlar əks olunacaqdır.

Akademik “Yusuf Məmmədəliyev: biblioqrafiya” kitabının nəşrə hazırlanması məqsədi ilə materialların redaktəsi və sistemləşdirilməsi işi həyata keçirilmişdir.

Nazirlik tərəfindən keçirilən 5 zona müşavirəsində müzakirə olunması məqsədilə sözügedən bölgələrdə yerləşən kitabxanaların fəaliyyəti təhlil edilmiş, qarşıda duran problem və vəzifələr, həyata keçirilməsi zəruri olan tədbirlər müəyyən edilmiş, habelə şəhər və rayonda kitabxana-informasiya müəssisələrinin fəaliyyətinin inkişaf etdirilməsinə dair təkliflər hazırlanmışdır.

Bundan başqa, «Azərbaycan Respublikasında kitabxana-informasiya sahəsinin 2008-2013-cü illərdə inkişafı üzrə Dövlət Proqramı»nın icrasını, kitabxana filiallarının birləşdirilməsi vəziyyətinin, kitabxanaların informasiyalaşdırılmasının, habelə Elektron kataloq və Veb-saytların keyfiyyətini, kitabxanaçı kadrların kompyuter biliklərinin səviyyəsini öyrənmək, sözügedən rayon Mərkəzi kitabxanalarında yeni şöbələrin fəaliyyəti ilə tanış olmaq məqsədi ilə respublikanın Füzuli, Beyləqan, Hacıqabul, Kürdəmir, Quba və Xaçmaz rayonlarına ezamiyyələr təşkil olunmuşdur. Sözügedən kitabxanalarda görülən işlər, aşkar olunan nöqsan və çatışmazlıqlar müəyyən edilmiş, bu sahənin inkişafına dair təkliflər hazırlanmış, habelə işlərində yol verdikləri nöqsanlara görə bir sıra rayon MKS-lərinin direktorları müvafiq qaydada intizam tənbehi ilə cəzalandırılmışlar.

Cari ilin may ayında Polşa Respublikasının Varşava şəhərində keçirilən Beynəlxalq Kitab Sərgisində Nazirliyin nümayəndəsi iştirak etmişdir.

Nazirliyin tövsiyəsi ilə Beyləqan rayon İcra Hakimiyyəti respublikada ilk təşəbbüs göstərərək 2012-ci ili rayonda “Kitabxanalar İli” elan etmişdir. Bu təşəbbüs rayon və respublika ictimaiyyəti tərəfindən müsbət qarşılanmış, respublikanın 1 şəhər və 11 rayonunda 2012-ci il – kitabxanalar İli kimi elan edilmişdir.

Hesabat dövründə, Respublikanın bütün şəhər və rayonlarında Ümummilli lider Heydər Əliyevin 89-cu ildönümünə həsr edilmiş V Kitab Bayramı keçirilmişdir. İsmayıllı rayonunda Ulu öndərin 89-cu ildönümünə, habelə 15 iyun Milli Qurtuluş gününə həsr olunmuş Kitab bayramı da yerli əhali tərəfindən böyük rəğbətlə qarşılanmışdır.

Cari ilin iyun ayında Ukraynada keçirilən Krım-2012 Beynəlxalq Kitabxana Konfransında Azərbaycan kitabxanaçıları geniş heyətlə iştirak etmişlər.




ELM VƏ TƏHSİL
Hesabat dövründə Azərbaycan Respublikası Nazirlər Kabinetinin 2011-ci il 6 dekabr tarixli 192 nömrəli Qərarı ilə yaradılmış Azərbaycan Turizm İnstitutunun nəzdində Bakı Turizm Məktəbinin fəaliyyətə başlaması ilə bağlı müvafiq tədbirlər həyata keçirilmişdir.

“Ali təhsil müəssisələrində yeni maliyyələşmə mexanizminin tətbiq edilməsi barədə” Azərbaycan Respublikası Prezidentinin müvafiq Fərmanına uyğun olaraq 2013/2014-cü və növbəti üç tədris ili üçün bakalavriat və magistratura səviyyələrinə dövlət sifarişinin müəyyənləşdirilməsi məqsədilə geniş təkliflər hazırlanmış və Azərbaycan Respublikasının İqtisadi İnkişaf Nazirliyinə təqdim edilmişdir.

2012-ci ilin I yarımili ərzində Azərbaycan Respublikası Nazirlər Kabinetinin 2008-ci il 27 avqust tarixli 309 s nömrəli Sərəncamı ilə təsdiq edilmiş “2009-2013-cü illər üçün Azərbaycan Respublikasında Uşaq musiqi, incəsənət və rəssamlıq məktəblərinin fəaliyyətinin yaxşılaşdırılması üzrə İnkişaf Proqramı”nın icrası ilə əlaqədar müəyyən işlər görülmüşdür.

2012-ci ilin 19 yanvar tarixində Bakı şəhər 37 nömrəli Uşaq Musiqi Məktəbinin binası əsaslı təmirdən sonra istifadəyə verilmişdir. 21 yanvar tarixində Goranboy şəhərində Azərbaycan Respublikasının Prezidenti İlham Əliyevin iştirakı ilə yeni tikilmiş uşaq musiqi məktəbi binasının açılışı olmuşdur. Həmin məktəb binasında Naftalan şəhərində müvəqqəti məskunlaşmış Xocalı rayon 1 nömrəli Uşaq Musiqi Məktəbi yerləşdirilmişdir.

Hazırda Bakı şəhər C.Hacıyev adına 3 nömrəli, Şamaxı rayon Nəsimi adına, Ağdam rayon Xındırıstanski adına uşaq musiqi və incəsənət məktəbləri üçün yeni binanın tikintisi, Bakı şəhər S.Ələsgərov adına 1 nömrəli uşaq incəsənət, 11 nömrəli uşaq musiqi, L. və M.Rostropoviçlər adına 21, Ə.Bədəlbəyli adına 23 və G.Şaroyev adına 35 nömrəli onbirillik musiqi məktəblərində təmir işləri aparılır.

“2009-2013-cü illər üçün Azərbaycan Respublikasında Uşaq musiqi, incəsənət və rəssamlıq məktəblərinin fəaliyyətinin yaxşılaşdırılması üzrə İnkişaf Proqramı”na uyğun olaraq Bakı şəhər C.Hacıyev adına 3 nömrəli Uşaq Musiqi Məktəbinin bazasında xor məktəbinin yaradılması məqsədilə məktəbdə 2012/2013-cü tədris ilindən xor şöbəsinin açılması haqqında, habelə Bakı şəhər R.Babayev adına 25 nömrəli Uşaq Musiqi Məktəbinin gələcəkdə nəfəsli və simli alətlər təmayüllü musiqi məktəbinə çevrilməsi məqsədilə məktəbdə nəfəsli və simli alətlər üzrə xüsusi siniflərin açılması və 2012-ci il 1 sentyabr tarixindən məktəbin 11 illik təhsil sisteminə keçirilməsi barədə müvafiq əmrlər imzalanmışdır.

2012-ci ilin yanvar-mart aylarında Mədəniyyət və Turizm Nazirliyi sistemində olan uşaq musiqi, incəsənət və rəssamlıq məktəblərinin pedaqoji kadrlara olan tələbatı barədə yerlərdən məlumatlar toplanılmış və 2011/2012-ci tədris ilində müvafiq ixtisaslar üzrə ali və orta ixtisas təhsili müəssisələrini bitirən məzunların təyinat bölgüsü zamanı nəzərə alınmaq məqsədilə Azərbaycan Respublikasının Təhsil Nazirliyinə göndərilmişdir.

2012/2013-cü tədris ilinə respublikanın uşaq musiqi, incəsənət və rəssamlıq məktəblərinə şagird qəbulu planları hazırlanaraq yerlərə göndərilmişdir.

Uşaq musiqi, incəsənət və rəssamlıq məktəblərində tədris prosesi zamanı istifadə olunan normativ sənədlərin vahid yeni formaları tərtib edilmişdir. Hesabat dövründə respublikanın uşaq musiqi, incəsənət və rəssamlıq məktəbləri üçün musiqi alətləri alınmışdır.

2012-ci ilin I yarımili ərzində Respublika Mədəniyyət Müəssisələri İşçilərinin Hazırlıq və İxtisasartırma Mərkəzində 19 kateqoriya üzrə 634 nəfər mədəniyyət işçisi ixtisasartırma kurslarına cəlb olunmuşlar. Mərkəzdə tədris olunan yeni ixtisaslar üzrə tədris proqramları hazırlanmışdır.

Mədəniyyətşünaslıq üzrə Elmi-Metodiki Mərkəz tərəfindən uşaq musiqi və incəsənət məktəbləri üçün “Fortepiano (7 illik təhsil üzrə)”, “Fortepiano ansamblı”, “Fortepiano müşayiəti”, “Nağara (5 illik təhsil üzrə)”, “Gitara (5 illik təhsil üzrə)”, “Uşaq incəsənət məktəblərində klassik, tarixi məişət və müasir bal rəqsi fənləri”, “Uşaq incəsənət məktəblərində xalq səhnə rəqsləri - oğlanlar və qızlar üçün (5-7 illik təhsil üzrə) tədris proqramları hazırlanmışdır.

Mərkəzin mətbu orqanı olan “Müasir mədəniyyətşünaslıq” elmi-publisistik jurnalında elmi məqalələr dərc olunmuşdur.

2012-ci il 28 fevral tarixində Sumqayıt şəhərində uşaq musiqi və incəsənət məktəblərinin müəllimləri üçün “Uşaq musiqi və incəsənət məktəblərində musiqi fənlərinin tədrisi metodikasının təkmilləşdirilməsi” mövzusunda seminar-treninqlər keçirilmiş, Ü.Hacıbəyli adına Bakı Musiqi Akademiyasının prorektoru, professor Yeganə Axundovanın ustad sinifləri təşkil edilmişdir.

2012-ci il 13 mart tarixində Bakı şəhər Q.Qarayev adına 8 nömrəli Onbirillik Musiqi Məktəbində “Müasir Azərbaycan fortepiano ifaçılığı sənəti” mövzusunda elmi-metodiki seminar keçirilmişdir. Seminarda 160 nəfərdən çox müəllim iştirak etmiş, Ü.Hacıbəyli adına Bakı Musiqi Akademiyasının professoru Tərlan Seyidovun ustad sinifləri təşkil edilmişdir.

Uşaq incəsənət məktəblərinin rəssamlıq şöbələrində təhsil alan şagirdlərin peşə səviyyəsinin yüksəldilməsi, tədrisin keyfiyyətinin artırılması məqsədilə cari ilin fevral-may aylarında Azərbaycan Milli İncəsənət, Azərbaycan Xalçası və Xalq Tətbiqi Sənəti Dövlət Muzeylərində xüsusi qrafik üzrə səyyar dərslərin keçirilməsi işi təşkil edilmişdir.

2012-ci il 19 mart tarixində dövlət səviyyəsində qeyd edilmiş Novruz şənliklərində Bakı Xoreoqrafiya Məktəbinin, Bakı şəhər uşaq incəsənət məktəblərinin rəqs kollektivləri, 28 nömrəli Uşaq Musiqi Məktəbinin nağaraçılar ansamblı iştirak etmişlər.

Respublikada xor mədəniyyətinin inkişaf etdirilməsi, uşaq musiqi və incəsənət məktəblərində xor fənninin tədrisinin səviyyəsinin yüksəldilməsi, xormeysterlərin yaradıcılıq fəaliyyətinin aktivləşdirilməsi məqsədilə 2012-ci ilin aprel ayında zonalar üzrə Bakı, Gəncə, Mingəçevir, Naxçıvan, Sumqayıt, Şəki, Şirvan şəhərlərində və Ağcabədi rayonunda Uşaq xor kollektivlərinin III respublika baxışı keçirilmişdir.

2012-ci il 18 aprel tarixində Bakı şəhər R.Behbudov adına 2 nömrəli Onbirillik Musiqi Məktəbinin 80 illik, 30 may tarixində Abşeron rayon Ceyranbatan qəsəbə Uşaq İncəsənət Məktəbinin 30 illik yubileyinə həsr olunmuş tədbirlər keçirilmiş, məktəblər Fəxri Fərmanla təltif edilmiş, qabaqcıl işçilərə pul mükafatları verilmişdir.

Qəbələ Rayon İcra Hakimiyyətinin təşkilatçılığı ilə 2012-ci il 26-28 aprel tarixlərində rayonun Nic qəsəbəsində keçirilmiş “Udilər dünən, bu gün və sabah” adlı Beynəlxalq elmi-praktiki konfransda Nazirliyin nümayəndəsi iştirak etmişdir.

Azərbaycan xalqının ümummilli lideri Heydər Əliyevin anadan olmasının 89-cu ildönümü ilə əlaqədar silsilə tədbirlər çərçivəsində Bakı şəhər G.Şaroyev adına 35 nömrəli Onbirillik Musiqi Məktəbi Məktəbinin şagirdi, Prezident təqaüdçüsü Nəriman Əmiraslanov 2012-ci il 20 aprel tarixində Bakı şəhər T.Quliyev adına 12 nömrəli Onbirillik Musiqi Məktəbinin salonunda “Azərbaycan deyəndə” adlı solo konsert proqramı ilə çıxış etmiş, 3 may tarixində Şamaxı rayon Mədəniyyət evində Bakı şəhər T.Quliyev adına 12 nömrəli Onbirillik Musiqi Məktəbinin kollektivi maraqlı konsert proqramı təqdim etmişdir.

2012-ci il 7 may tarixində M.Maqomayev adına Azərbaycan Dövlət Filarmoniyasında Azərbaycan xalqının ümummilli lideri Heydər Əliyevin anadan olmasının 89-cu ildönümünə həsr olunmuş, beynəlxalq müsabiqə qalibləri olan gənc istedadların konserti keçirilmişdir. Konsertdə Belçika, Belarus, Bolqarıstan, Estoniya, Gürcüstan, İtaliya, Macarıstan, Polşa, Rumıniya, Rusiya, Serbiya, Suriyada keçirilmiş beynəlxalq müsabiqə laureatları olan uşaq musiqi və incəsənət məktəblərinin şagirdləri çıxış etmişlər.

2012-ci ilin may ayında Moskva Dövlət Xoreoqrafiya Akademiyasının prorektoru, Rusiya Federasiyasının əməkdar incəsənət xadimi, professor Lyudmila Kolençenko, İtaliyadan kontrabas ifaçısı və musiqi alətləri ustası Vladimir Ovçinnikov Bakı şəhərinə dəvət olunmuş və onların ustad sinifləri təşkil edilmişdir.

Uşaq musiqi və incəsənət məktəblərinin buraxılış siniflərində nəzəriyyə fənlərinin test üsulu ilə keçirilməsi ilə əlaqədar cari ilin may ayında zonalar üzrə Qazax şəhərində Qazax, Ağstafa, Tovuz, Şəmkir rayon uşaq musiqi və incəsənət məktəblərinin, Göyçay şəhərində Göyçay, Ağsu, Ağdaş, Ucar, Kürdəmir rayon uşaq musiqi və incəsənət məktəblərinin, Bərdə şəhərində Bərdə, Yevlax, Samux, Goranboy rayon uşaq musiqi və incəsənət məktəblərinin, Bakı və Sumqayıt şəhərlərində burada fəaliyyət göstərən Ağdam, Füzuli, Cəbrayıl, Zəngilan, Xocalı, Laçın, Şuşa, Qubadlı rayon məktəblərinin müəllimlərinə metodiki köməklik məqsədilə seminar-treninqlər keçirilmişdir.

2012-ci il 14-26 may tarixində Bakı Xoreoqrafiya Məktəbinin III kurs tələbələrinin Bakı və Sumqayıt şəhər, Abşeron rayon uşaq incəsənət məktəblərində, habelə Bakı şəhərində fəaliyyət göstərən Füzuli rayon 2 nömrəli Uşaq İncəsənət Məktəbində təcrübə keçmələri təşkil edilmişdir.

2012-ci il 21-27 may tarixinin YUNESKO tərəfindən Beynəlxalq Bədii Təhsil Həftəsi kimi qeyd olunması ilə əlaqədar bu günlərdə Bakı Xoreoqrafiya Məktəbində, uşaq musiqi, incəsənət və rəssamlıq məktəblərində konsert və sərgilər keçirilmiş, dəyirmi masalar təşkil edilmişdir.

Bakı Xoreoqrafiya Məktəbində təhsil almaq üçün respublikanın şəhər və rayonlarından istedadlı uşaqların seçilməsi məqsədilə cari ilin 1-4 iyun tarixində məktəbin müəllimləri Gəncə, Mingəçevir, Şəki şəhərlərinə ezam olunmuşlar.

Respublikamızın muzeylərində saxlanılan Azərbaycan xalqına məxsus maddi-mədəni irs nümunələrinin dağıdılmasının qarşısının alınması, onların konservasiyası üçün zəruri tədbirlərin görülməsi və mövcud istiqamətdə lazımi maarifləndirmə işlərinin aparılması məqsədilə 2012-ci il 4-7 iyun tarixində Muzey Sərvətləri və Xatirə Əşyalarının Elmi-Bərpa Mərkəzi tərəfindən Qazax rayonunda açıq sərgi-seminar təşkil olunmuşdur.

Mədəniyyət müəssisələrində çalışan əməkdaşların peşəkarlıq səviyyəsinin artırılması məqsədilə cari ilin 5 iyun tarixindən etibarən 2 ay ərzində Saatlı, Biləsuvar rayonlarında, habelə Gəncə və Şəki şəhərlərində Respublika Mədəniyyət Müəssisələri İşçilərinin Hazırlıq və İxtisasartırma Mərkəzi tərəfindən səyyar yay kursları təşkil ediləcəkdir.

Ölkə xaricində fəaliyyət göstərən muzeylərdə saxlanılan Azərbaycan maddi-mədəni irs nümunələrinin qorunub saxlanılması üçün lazımi tədbirlərin görülməsi və bu sahədə müvafiq araşdırma işlərinin aparılması məqsədilə Muzey Sərvətləri və Xatirə Əşyalarının Elmi-Bərpa Mərkəzinin əməkdaşları 2012-ci il 11-14 iyun tarixində Gürcüstan Respublikasının Tbilisi şəhərində olmuşlar.

Respublikamızda həyata keçirilən mədəniyyət siyasətinin qarşısında duran vəzifələrin yerinə yetirilməsində elmin iştirakının təmin edilməsi, xarici ölkələrdə fəaliyyət göstərən müvafiq elmi qurumlar ilə sıx əməkdaşlıq əlaqələrinin yaradılması, kulturologiya elminin populyarlaşdırılması, habelə mədəniyyət sahəsinin dövlətin və cəmiyyətin inkişafında əhəmiyyətinin artırılmasına xidmət edən elmi tədqiqatların dəstəklənməsi məqsədilə cari ilin 12-13 iyun tarixində Kulturoloqların II Beynəlxalq Bakı Forumu keçirilmişdir. “Dövlətin inkişafında mədəniyyət siyasətinin rolu” mövzulu Forumda yerli mütəxəssislərlə yanaşı 10 xarici ölkədən, o cümlədən Böyük Britaniya, Türkiyə, Rusiya, Gürcüstan, Macarıstan, Ukrayna Qazaxıstan, Belarus, Qırğızıstan və Özbəkistandan nümayəndələr iştirak etmişlər.

Respublikada fortepiano ifaçılığı sənətinin inkişaf etdirilməsi, gənc istedadların üzə çıxarılması və dəstəklənməsi məqsədilə 2012-ci ilin may-iyun aylarında Gənc pianoçuların II respublika müsabiqəsi keçirilmişdir. 9-17 yaşlı uşaq və gənclər arasında 3 yaş qrupu üzrə keçirilən müsabiqədə respublikanın bütün bölgələrinin uşaq musiqi və incəsənət məktəblərindən 400-ə yaxın şagird iştirak etmişdir. Müsabiqənin I turu 2012-ci il 30 may - 13 iyun tarixində zonalar üzrə Bakı, Gəncə, Naxçıvan, Sumqayıt, Şəki şəhərlərində və Salyan rayonunda, II turu isə 2012-ci il 14 və 16 iyun tarixində Bakı şəhərində keçirilmişdir. Münsiflər heyətinin qərarına əsasən 16 gənc ifaçı müsabiqənin laureatı adına, müxtəlif dərəcəli diplomlara və pul mükafatına layiq görülmüşdür. Müsabiqədə uğurla çıxış edən şagirdlərə həvəsləndirici mükafat, diplom, fəxri fərman və tərifnamələr verilmişdir. Şagirdləri müsabiqənin laureatı olmuş müəllimlər Fəxri Fərmanla təltif olunmuşlar. Müsabiqə qaliblərinin yekun konserti 2012-ci il 19 iyun tarixində M.Maqomayev adına Azərbaycan Dövlət Filarmoniyasında keçirilmişdir.

Hesabat dövrü ərzində xarici ölkələrdə keçirilən tədbirlərdə də nümayəndələrimiz uğurla iştirak etmişlər.

2012-ci il 21-29 yanvar tarixində TÜRKSOY Beynəlxalq Türk Mədəniyyəti Təşkilatının dəstəyi ilə Türkiyənin Konya, Nigde və Kayseri şəhərlərində Türkiyə Uşaq Simfonik Orkestrinin konsertləri təşkil edilmişdir. Orkestrin tərkibində çıxış etmək üçün TÜRKSOY təşkilatına üzv ölkələrdən istedadlı uşaqlar dəvət olunmuşlar. Sözügedən beynəlxalq layihədə Bakı şəhər Q.Qarayev adına 8, L. və M.Rostropoviçlər adına 21 və 24 nömrəli onbirillik musiqi məktəblərinin şagirdləri iştirak etmişlər.

2012-ci ilin 19-25 fevral tarixində Serbiya Respublikasının Belqrad şəhərində keçirilmiş IX Beynəlxalq Musiqi Müsabiqəsində Abşeron rayon Xırdalan şəhər Uşaq Musiqi Məktəbinin fortepiano ixtisası üzrə şagirdi Atabala Manafzadə öz yaş qrupunda və yuxarı yaş qrupunda iştirak etmişdir. Doqquz ölkədən (Azərbaycan, Rusiya, Avstriya, İspaniya, Slovakiya, Xorvatiya, Makedoniya, Bolqarıstan) 160 nəfər iştirakçının qatıldığı, 5 yaş qrupu üzrə keçirilən müsabiqədə Atabala Manafzadə hər iki kateqoriya üzrə ayrı-ayrılıqda baş mükafatlara – birinci dərəcəli diplomlara və müsabiqənin laureatı adına layiq görülmüşdür.

Milli mədəniyyətimizin dünyada tanıdılması və ölkəmizin lazımi beynəlxalq imicinin formalaşdırılması kimi strateji vəzifələrin icrası məqsədilə 2012-ci il 21-22 fevral tarixində Macarıstanın Budapeşt şəhərində “Azərbaycan mədəniyyətinin elmi təqdimatı” adlı tədbir təşkil olunmuşdur. Tədbirdə Nazirliyin, AMEA-nın Fəlsəfə, Sosiologiya və Hüquq İnstitutunun və Azərbaycan Milli Konservatoriyasının əməkdaşları iştirak etmişlər.

“Azərbaycan Respublikası və Türkiyə Respublikası arasında dövlət qulluğunun idarə olunmasının inkişafı və dəstəklənməsi haqqında Əməkdaşlıq Protokolu”na əsasən 2012-ci il 27 fevral – 2 mart tarixində Ankara şəhərində Azərbaycan Respublikasının müxtəlif dövlət qurumlarının nümayəndələri üçün təşkil olunmuş xüsusi təlimlərdə Respublika Mədəniyyət Müəssisələri İşçilərinin Hazırlıq və İxtisasartırma Mərkəzinin direktoru Ramazan Şabanov iştirak etmişdir.

Cari ilin 02-05 mart tarixində Belçikanın Namür şəhərində keçirilmiş “Bravo” Beynəlxalq Gənc Skripkaçılar Müsabiqəsində Bakı şəhər Q.Qarayev adına 8 nömrəli Onbirillik Musiqi Məktəbinin şagirdi, Prezident təqaüdçüsü Nərgiz Hüseynova, 11-18 mart tarixində Çexiya Respublikasının Plzen şəhərində B.Smetana adına XXX Beynəlxalq Pianoçular Müsabiqəsində Bakı şəhər L. və M.Rostropoviçlər adına 21 nömrəli Onbirillik Musiqi Məktəbinin şagirdi Günay Ağalarova,18-23 mart tarixində Rusiya Federasiyasının Moskva şəhərində “Biz opera oxuyuruq” adlı V Beynəlxalq Sergey Leyferkus uşaq vokal müsabiqəsində Bakı şəhər L. və M.Rostropoviçlər adına 21 nömrəli Onbirillik Musiqi Məktəbinin şagirdi Məhərrəm Hüseynli, 21-25 mart tarixində Estoniyanın Tallin və Kohtla-Yarve şəhərlərində keçirilmiş Uşaq və gənclər arasında

VII Beynəlxalq Akademik Vokal Müsabiqəsində Bakı şəhər F.Əmirov adına 6 nömrəli Uşaq İncəsənət Məktəbinin şagirdi Eldar Tahirov, Ə.Bakıxanov adına 6 nömrəli Uşaq Musiqi Məktəbinin şagirdi Mərziyyə Hüseynova və Dövlət Uşaq Filarmoniyasının solisti İbrahim Nəsrullayev, 09 aprel – 1 may tarixində TÜRKSOY Beynəlxalq Simfonik Orkestrinin tərkibində Türkiyədə və ABŞ-da təşkil edilmiş konsertlərdə Bakı Musiqi Akademiyasının tələbələri Narın Musayeva, Elvin Nəcəfov və Mustafa Mehmandarov, 18-19 aprel tarixində Rusiya Federasiyasının Moskva şəhərində keçirilmiş “Detskaya Novaya Volna 2012” adlı Gənc Populyar Musiqi İfaçılarının Birinci Beynəlxalq Müsabiqəsinin yarımfinal yarışında Bakı şəhər T.Quliyev adına 12 nömrəli Onbirillik Musiqi Məktəbinin şagirdi, Prezident təqaüdçüsü Yasin Həsənov, 20-24 aprel tarixində Rusiya Federasiyasının Yekaterinburq şəhərində keçirilmiş “Yer-bizim ümumi evimizdir” (Земля-наш общий дом”) adlı XIV Beynəlxalq Uşaq Musiqi Yaradıcılığı Festivalında Bakı şəhər Vaqif Mustafazadə adına 2 nömrəli Uşaq İncəsənət Məktəbinin “Aysel” uşaq rəqs kollektivi, aprel-may aylarında bir sıra beynəlxalq tədbirlərdə Bakı şəhər G.Şaroyev adına 35 nömrəli Onbirillik Musiqi Məktəbinin şagirdi Nəriman Əmiraslanov, Abşeron rayon Xırdalan şəhər Uşaq Musiqi Məktəbinin şagirdi, Prezident təqaüdçüsü Atabala Manafzadə, 1-8 iyun tarixində Samara vilayətinin Samara, Tolyatti və Novokuybışevsk şəhərlərində Xalq Artisti Yuri Başmetin himayəsi altında keçirilmiş MDB ölkələri İkinci Uşaq Musiqi Akademiyasında Bakı şəhər Q.Qarayev adına 8 nömrəli Onbirillik Musiqi Məktəbinin şagirdi, Prezident təqaüdçüsü Nərgiz Hüseynova, Bakı şəhər L. və M.Rostropoviçlər adına 21 nömrəli Onbirillik Musiqi Məktəbinin şagirdi Ağarəhim Quliyev və Bakı şəhər R.Hacıyev adına 15 nömrəli Onbirillik Musiqi Məktəbinin şagirdi Jalə Mailova uğurla iştirak etmiş, müxtəlif diplom və mükafatlara layiq görülmüşlər.

İstedadlı gənclərin xarici ölkələrin tədris müəssisələrində təhsil almaları, təcrübə keçmələri və ustad siniflərində iştirak etmələri məsələlərinə xüsusi diqqət yetirilir. Nazirliyin maliyyə dəstəyi ilə gənc rəqqas Nihad İsayev İtaliyanın DanceHaus Rəqs Akademiyasında, gənc skripkaçı, Prezident təqaüdçüsü Elvin Xoca Qəniyev İsveçrənin Sürix İncəsənət Universitetində, gənc vokalçı, Prezident təqaüdçüsü Vaqif Nağıyev P.İ.Çaykovski adına Moskva Dövlət Konservatoriyası nəzdində Akademik Musiqi Kollecində, gənc vokalçı, “Üns” yaradıcılıq səhnəsinin solisti İlham Nəzərov İtaliyanın Ozimo D'Arte Lirica Akademiyasında, gənc dirijor Fuad İbrahimov Almaniyanın Köln Ali Musiqi Məktəbində təhsillərini davam etdirirlər.



Dostları ilə paylaş:
1   2   3
Orklarla döyüş:

Google Play'də əldə edin


Verilənlər bazası müəlliflik hüququ ilə müdafiə olunur ©muhaz.org 2017
rəhbərliyinə müraciət

    Ana səhifə