Metodikasi kafedrasi tangirova shaxnoza mavzu: furqat lirikasining yuqori sinflarda

1. Matla‘dagi  ―zimiston‖  so‗zi  qaysi  ma‘noda  qo‗llangan  va  mazkur  ma‘no 

uchun nega aynan shu so‗z ishlatilgan?  

2. Ikkinchi va uchinchi baytlarga diqqat qiling. Ifodadagi go‗zallik, mayinlik 

va musiqiylikni yuzaga keltirayotgan vositalarni aniqlang. 

3. ―Bir sahar edim uyg‗oq: o‗t tutoshdi olamg‗a, Tog‗lar chekib larza, titradi 

biyobonlar‖ baytini tahlil qiling. Qaysi tabiat hodisasi tasvirlanayapti? 

4. Qumri va bulbullarning sayrashini shoir nima bilan bog‗laydi? Bu qushlar 

she‘riyatda nimaning ramzi sifatida keladi? 

5. ―Bulbul o‗qug‗och yig‗lab subhidam xazon faslin, G‗uncha qon yutub, yuz 

chok  etti  gul  giribonlar‖  misralarini  sharhlang.  Bu  go‗zal  satrlarga  qaysi  tabiiy 

jarayon tasvirlanmoqda? 

---

 

 

32 

 

6. G‗azal maqtasida ifodalangan fikrga munosabat bildiring. Fasl go‗zalligiga 

bag‗ishlangan  she‘rning  ijtimoiy  ruhdagi  fikr  bilan  yakunlanishini  qanday 

izohlaysiz? 

O‗quvchilar  yuqoridagi  savollarga  javob  berish  uchun  yana  g‗azal  matnini 

o‗qib сhiqishlari lozim.  

Birinchi savolga o‗quvchilar quyidagi mazmunda javob beradilar: 

Fasli navbahor o‗ldi ketibon zimistonlar,  

Do‗stlar, g‗animatdur, sayr eting gulistonlar.   

Matla‘da ―zimiston‖ so‗zi ―qish‖ faslining fors-tojik tilidagi muqobili bo‗lib, 

bu  so‗zning  birinchi  ma‘nosi  yaqqol  ko‗zga  tashlanib  turibdi,  ya‘ni  shoir  ―qish 

o‗lkamizdan  chekinib,  bahor  fasli  keldi,  do‗stlar  gulistonlarni  sayr  eting,  chunki 

ular g‗animat‖ demoqda. Ammo she‘rning maqtasida 

 

Kuymasun bu savdoda ne uchun dimog‗imkim,  

Ranj-u  g‗ussada  dono,  kechsa  shod  nodonlar.  (Ne  uchun  bu  g‗ussada 

dimog‗im  kuymasin,  axir  donolarning  hayoti  g‗am-u  g‗ussada,  nodonlar  shod-u 

xurram  bo‗lsa!)  deyilganiga  e‘tibor  qaratsak,  she‘rning  matla‘sidanoq  bahor  fasli 

tasviri  orqali  ijtimoiy  mavzu  qalamga  olinganini  ko‗rishimiz  mumkin.  Ya‘ni, 

qorong‗u  kunlar  ketib,  yorug‗  kunlar  keldi.  Do‗stlar,  bu  kunlar  g‗animat, 

gulistonlarni sayr eting, degan ma‘noni ham keltirib chiqarish mumkin.     

2-savolga javob: 

Subhidam tushib shabnam, bo‗ldi sabzalar xurram, 

Gul uza tomib kam-kam, yog‗di abri naysonlar. 

 

Nastaron yuvib yuzni, yosuman tuzib o‗zni, 

Nargiz ochibon ko‗zni intizori yoronlar. 

Tongda  shabnam  tushib,  o‗t-o‗lanlar  sevindi,  gul  uza  kam-kam  bahor  buluti   

yog‗di.  Har  ikkala  baytda  ham  bahorda  kuzatiladigan  go‗zalliklar  eks  etgan. 

---

 

 

33 

 

Nastarin,  yosuman,  nargiz  gullarining  ochilishi,  tongda  shabnam  yushishi 

tasvirlanmoqda. Yoxud boshqa bir savolga javob topishga harakat qilib ko‗ramiz: 

―Bulbul  o‗qug‗och  yig‗lab  subhidam  xazon  faslin,  G‗uncha  qon  yutub,  yuz  chok 

etti gul giribonlar‖ misralarini sharhlang. Bu go‗zal satrlarga qaysi tabiiy jarayon 

tasvirlanmoqda? Ushbu baytda husni ta‘lil san‘ati qo‗llangan. Husni ta‘lil (arabcha 

–  chiroyli  dalillash)  adabiy  asarda  tasvirlanayotgan  biror  hodisaga  shoirona  biror 

sabab ko‗rsatish, she‘rda biror voqeani unga daxli bo‗lmagan boshqa hodisa bilan 

izohlashdir. Uning asosida muayyan bir hodisani real – hayotiy mantiq bilan emas, 

balki  shoirona  xayol  –  badiiy  mantiq  bilan  ―isbotlash‖  yotadi

12

.  Shoir  baytda 

―Bulbul  tongda  yig‗lab  xazon  fasli  haqida  bayon  etganda,  g‗uncha  qon  yutib 

yoqasini yuz chok etdi, ya‘ni ochildi. 

Zokirjon  Xolmuhammad  o‗g‗li  Furqatning  ―Surmadin  ko‗zlar  qaro,  qo‗llar 

hinodin  lolarang‖  misrasi  bilan  boshlanuvchi  g‗azalida  quyidagi  savol  va 

topshiriqlar keltirilgan: 

1. G‗azal matla‘sini sharhlang. Ayollarning milliy oroyish ashyolariga diqqat 

qiling  va  bugungi  kundagi  chiroy  berish  vositalariga  taqqoslang.  Siz  qaysi  birini 

afzal bilasiz? 

2. ―Za‘faroniy  ko‗ylak  uzra  arg‗uvoniy  kamzihur,  ro‗ymol  og‗ushidin 

peshonaning ahvoli tang‖ baytidagi tasvirdan kelinchakning qanday kiyinganligini 

izohlang. 

3. ―Bori  nozik  panjalar  oltun  uzukdin  zebnok,  Qo‗l  bilakuzukdin  muzayyan, 

nuqradin  og‗izda  chang‖  baytiga  suyanib,  o‗zbek  kelinchagining  nafosati 

to‗g‗risida fikr yuriting. 

4. G‗azaldan olgan tasavvurlaringiz asosida kelinchakni o‗z so‗zlaringiz bilan 

tasvirlab bering. G‗azalni yod oling. 

                                                           

12

 Safo Matjonov, Sharafjon Sariyev. Adabiyot. – Toshkent. 2001-yil, 73-bet 

---

 

 

34 

 

5. ―O‗zbek  kelinchagi  Furqat  tasvirida‖  deb  nomlangan  quyidagi  jadvalning 

har bir xonasini g‗azaldagi ularning mazmuniga mos keladigan so‗z va birikmalar 

bilan to‗ldiring.  

Topshiriqni  quyidagicha  bajarish  mumkin.  Bunda  sinf  o‗quvchilarini  uchta 

guruhga  bo‗lib,  har  bir  guruhdan  bir  o‗quvchi  chiqadi  va  jadvalni  quyidagicha 

to‗ldirish mumkin. Jadvalni birinchi bo‗lib to‗ldirgan guruh rag‗batlantiriladi.