Microsoft Word bankir ziyouz com doc

 
 
To‘rtinchi bob
 
 
Palmer yo‘lak bo‘ylab qariya orqasidan yurib, kotibalar yonidan o‘tib borardi. U hayron bo‘lardi: 
qiziq, bankning mas’ul xodimlaridan nega birortasi ham unga tanishtirilmadi. Albatta, u hali rasman 
ishga tushgani yo‘q. U mehnat kunidan keyinroq ish boshlashi kerak edi. Biroq bu uning YuBTKka 
birinchi tashrifi bo‘lib, odob yuzasidan qaysidir shart-sharoitlarga rioya qilish zarur edi. 
Ular kotibalar yonidan o‘tishganda lift kutib turardi. Kotiba Berkxardtga portfelni tutqazdi-da, 
telefonni oldiga tortdi. Liftga kirarkan, Palmer kotibaning Berkxardtga shahar mashinasini 
chaqirayotganini eshitdi. Qiz bir zumda boshini ko‘tardi va ularning nigohlari uchrashdi, lekin shu 
zahoti lift eshiklari yopildi. 
— Yigitlarimizdan ayrimlari bilan tanishtirmaganim uchun uzr, — dedi Berkxardt lift pastga 
tushayotganda. 
— Bu omonat banklari masalasi, aftidan, juda shoshilinchga o‘xshaydi? 
— Ahmoqona, o‘rinsiz narsa, jin ursin! — dedi qariya. — Sira tushunib bo‘lmaydigan mujmal 
masala. Buni boobro‘ bankchidan kutish ham qiyin. Lekin baribir sen haqsan: bu ish juda shoshilinch.  
— Men hali yetarli tanishganimcha yo‘q, — dedi Palmer pastki qavatda liftdan chiqar ekan. 
Aslida esa, bu ishlardan u yaxshigina xabardor qilingandi. Garchi u Illinoysda omonat banklari bilan 
to‘qnash kelmagan bo‘lsa-da, ular tijorat banklariga qanchalik talafot yetkazishi unga ma’lum edi. 
Biroq, pul mablag‘larining asosiy qismi jamlangan Nyu-Yorkda bu nizo alohida keskin tus olardi. 
— Bu borada senga nima ma’lum o‘zi? — so‘radi Berkxardt tilloyi marmar to‘shalgan dahlizdan 
tashqariga chiqish eshigiga yo‘nalisharkan. Ularni sochlari oq qorovul kutardi. U eshik dastasini 
ushlaganicha, har daqiqada uni aylantirishga shay turardi. 
— Faqat ular, haligi... 
— Bu haqda mashinada gaplashamiz, — uning so‘zini bo‘ldi Berkxardt va bank xizmatchilaridan 
biriga bosh irg‘adi. U iliq tabassum bilan javob qaytardi. Aslida jahannamga emas, jannatga tushishini 

---

Bankir (roman). Lesli Uoller