Microsoft Word bankir ziyouz com doc
Yüklə 0,96 Mb. Pdf görüntüsü
|
| www.ziyouz.com kutubxonasi
230 qoladi. Xatoni tuzatish g‘oyat qimmatga tushadi. Menimcha, bunday oqilona ehtiyotkorlik omonat banklari muammosini hal qilishda bizning qarorimizda qo‘llanmog‘i shart. — Palmer jim bo‘lib qoldi. — Xo‘sh, endi kimda savollar bor? Stolning to‘rida o‘tirgan ozg‘in yuzli kishi qo‘lini ko‘tardi va Palmer uning ismini bilib olguncha gapini boshlab yubordi. — Mister Palmer, — dedi u baland, xirildoq ovozda. — Donolik va ehtiyotkorlik — yaxshi narsa. Ammo bo‘limlardagi mana bu bill, yoki oti nimaydi, o‘sha Olbanida mana besh yo olti yildan beri muhokama qilib kelinyapti. Bizlar haddan tashqari farosatli va ehtiyotkor bo‘lib qolmadikmikan, nima deysiz? Tinglovchilar kulib yuborishdi. Ularni kuldirgan tagdor savol emas, angladi Palmer, balki savolning unga qarshi qaratilgani edi. — Agar siz iqtisodiyotimizni barbod etishni maqsad qilib qo‘ygan va bilib turib uni yerga kirgizib yuborishga qasd qilgan bo‘lsangiz, buning uchun sizga yillar kerak bo‘ladi. Ammo hammasi birdaniga, bir tundayoq qulab tushishi mumkin. Biz siz bilan turkumlar, jadvallar bilan fikrlashga o‘rganib qolganmiz, bunda egri chiziqlar goh yuqoriga, goh pastga egilib chiqib-tushib turadi. Lekin aslida hamma narsa unday sodir bo‘lmayotgan bo‘ladi. Iqtisodiyotning mustahkamligi ayolning himmatiga o‘xshaydi. U ko‘p yillar davomida mukammalday bo‘lib ko‘rinishi mumkin. To‘satdan birgina so‘z uning boshiga yetadi. Sukunat cho‘kdi. Ularning hushini joyiga keltirib qo‘yganini Palmer tushundi. U tafsilotlarga bu qadar chuqur berilmoqchi emas edi, ammo endi ko‘rdiki, to‘g‘ri qilibdi. U hatto baridan ham batafsilroq qilib tushuntirishi mumkinligini o‘yladi. Ularning yuzlaridagi o‘ychan, bir qadar xo‘mraygan ifoda, agar ularga o‘zining aynan mana shunday toifaga mansubligini aytgudek bo‘lsa, ishonchsiz ifodaga osongina aylanar edi. — Bu bilan siz bizga, — dedi hozir bo‘lganlardan biri savol tariqasida, — iqtisodiyotda tejamkorlikka o‘rin yo‘q, deb aytmoqchimisiz? — Yo‘q, ser, mutlaqo unday emas. — Palmer chuqur uh tortdi. — Bordi-yu, sizlarga shunday ma’lumotlar kelgudek bo‘lsa, ular xalqdan chiqqan bo‘ladi, mendan emas. Statistikani bir tekshirib ko‘ring-a. Ish haqining har yili oshib borishiga qaramay, jamg‘armalarning o‘rtacha darajasi hozir 15 yil oldingisidan ko‘p emas. Aslida u hatto qisqara boshlagan. — Bular hammasi to‘g‘ri. Lekin ish haqi bilan barobarida hayot qiymati o‘sayapti-ku, — yon bermasdi savol beruvchi. — To‘g‘ri, — unga qo‘shildi Palmer, — oylikka yashovchi o‘rtacha odamni aynan mana shu narsa gangitib qo‘ygan. U erta-indin emas, aynan nima uchun bugun pul sarflashi sabablaridan bittasi shudir. Bu odam bugun saqlab qo‘yilgan dollari besh yildan keyin, masalan, mashina sotib olish uchun yetarli pul jamg‘arganida oldingi xarid qobiliyatini yo‘qotgan bo‘ladi. To‘satdan oraga cho‘mgan sukunat Palmerga ularning ko‘ngliga yana bir bor g‘ulg‘ula solganidan darak berdi. Endi gapning po‘stkallasi, deb o‘yladi u, ayni holda biron chora ko‘rishda o‘zlarini nochor sezmasliklari uchun ularni tushkunlikka tushirmaslik kerak. — Nazarimda, — tilga kirdi Palmerdan bir nechta stul narida o‘tirgan jikkakkina ozg‘in kishi, — siz maoshga yashovchi o‘rtacha odamning sog‘lom fikriga baribir umidizlik bilan qarayapsiz. Bilasiz, agar unga yomon muomalada bo‘lishsa, u xaridorlarni isyonga boshlaydi. U shu qadar kaltafahm bo‘lmasa kerak. — To‘g‘ri, — javob berdi Palmer. — U kaltafahm emas. Ammo bundoq chuqurroq o‘ylab ko‘rilsa, xaridorlar isyoni nima degani? Bu xarid qilishdan keskin bosh tortish degani. Iste’molchi aytadi: “To narxlar pastlashmaguncha sabr qilaman”. Bu orada... Nima bo‘ladi? Balki u mollarsiz ishini o‘nglab olar? Har doimgiday uning ro‘parasida uchta muammo ko‘ndalang turadi — ovqat, boshpana va kiyim-kechak. Iste’molchi uzluksiz isyon ko‘tarolmaydi-ku, to‘g‘rimi? U aqlli odam, avvalo u qanday kayfiyatda bo‘lmasin, uning oldida shundan boshqa yo‘l yo‘q. Yangi savollar kutib, Palmer tek turardi. U tinglovchilar kayfiyatida qandaydir o‘zgarishni his qildi, |