Microsoft Word diplom isi n'rmin docx

1.2.İKT-nin təhsildə tətbiqinin prioritet istiqamətləri 
Təhsil sisteminin informasiyalaşdırılması prosesi əsasən aşağıdakı istiqamətlər üzrə 
aparılır: 
1.
Təhsilin informasiya infrastrukturunun və informasiyalaşmanın tədris-metodiki 
bazasının yaradılması; 
2.
İKT-dən istifadə üçün təhsil sistemi kadrlarının hazırlanması və 
təkmilləşdirilməsi; 
3.
Təhsil müəssisələrinin İKT avadanlığı ilə təminatı və servis infrastrukturunun 
yaradılması; 

---

21 
4.
Təhsilin informasiyalaşdırılmasında təhlükəsizliyin təmin olunması və hüquqi 
normativ bazanın yaradılması; 
5.
Təhsilin informasiyalaşdırılmasının elmi və tədris-metodiki təminatı; 
1.
 Təhsilin informasiya infrastrukturunun və informasiyalaşmanın tədris-metodiki 
bazasının yaradılması 
Bu infrastruktur öz daxilində monitorinq sisteminin və vahid məlumat bazasının 
yaradılması, elektron avadanlıqlara, tədris vəsaitlərinə və kadrlara olan tələbatın 
öyrənilməsi, təhsil müəssisələrində elektron sənəd dövriyyəsinin təmin olunması, 
idarəetmə və maliyyə sistemlərinin avtomatlaşdırılması, məktəblərdə internetdən 
səmərəli istifadə edilmənin təşkili,mövcud təhsil-informasiya resursları və 
sistemlərinin qeydiyyatı, yoxlanması və modifikasiyası,məsafədən tədris sistemlərinin 
mərhələli şəkildə yaradılması və istifadəyə verilməsi, idarəetmə, attestasiya və biliyin 
qiymətləndirilməsi,informasiya-texnoloji mərkəzləri üzrə vahid dövlət informasiya 
sistemlərini birləşdirməlidir; 
Təhsilin informasiyalaşdırılmasının tədris-metodiki bazasının yaradılması
 dedikdə ilk 
öncə elektron tədris materiallarının və metodiki vasitələrin yaradılması və onların 
təhsil prosesi iştirakçılarının tələbatını ödəyəcək səviyyədə təşkil edilməsi nəzərdə 
tutulur.Bu zaman yeni texnologiyalardan istifadə edilməsi, bazis planları və təhsil 
səviyyələri nəzərə alınmalıdır.Təhsildə İKT-nin tətbiqi üzrə beynəlxalq təcrübə 
sistemli və müntəzəm olaraq öyrənilməli və tətbiq olunmaya görə dəyərləndirən 
ekspertlər qrupu yaradılmalıdır.Elektron tədris resurslarının texniki və məzmun 
istiqamətləri üzrə ekspertizanın qaydaları və onların keyfiyyətinin qiymətləndirilməsi 
meyarları hazırlanmalıdır.Həmçinin elektron vəsaitlərin hazərlanmasına xüsusi diqqət 
edilməli, yalnız təsdiq olunmuş vəsaitlərin çoxaldılmasına icazə verilməlidir.Məlumat-
sorğu yönümlü, biliyin qiymətləndirilməsinə, testləşdirilməyə yönələn elektron 
vəsaitlərin, elektron xəritələrin, müxtəlif fənlər üzrə elektron əyani vəsaitlərin 
istehsalına xüsusi diqqət yetirilməlidir.Məktəblilər arasında müntəzəm olaraq 
informatika üzrə müsabiqə, yarış və olimpiadalar keçirilməlidir.Əlavə olaraq elektron 
kitabxanalar və təhsil portalı yaradılmalı,elektron formada olan bütün dərsliklər, 

---

22 
elektron metodiki vəsaitlər, məlumat-sorğu sistemləri, inkişafetdirici oyunlar, elektron 
testlər və s. yerləşdirilməlidir. Hər bir fənn üzrə portalda bölmələr yaradılmalıdır[13, 
s.3-5].
2.
 İKT-dən istifadə üçün təhsil sistemi kadrlarının hazırlanması və