Sahibkarlar birliyi firmaları aşağıdakı növlərə ayrılır:
- Tam ortaqlıqlar.
- Kommandit ortaqlıqlar.
- Səhmdarlar birliyi. Bu cür birliklər səhmdar cəmiyyətləri kimi fəaliyyət göstərirlər. Səhmdar Cəmiyyətlər açıq və qapalı tiplərə malik olmaqla, qiymətli kağızların dövriyyəyə buraxılması ilə özlərinin nizamnamə kapitallarını artırır və ya formalaşdırırlar ki, bu da onların maliyyə-iqtisadi potensiallarının gücləndirilməsinə səbəb olur. Bir sıra müəssisə və firmalar yaratdıqları ittifaqların xüsusiyyətləri və əlamətlərinə görə bir-birindən fərqlənirlər:
a) Kartel – bir sahənin firmalarını birləşdirir. Bu zaman firmalar birgə ticarət siyasəti aparırlar.
b) Sindikat – kartel tipli saziş formalarından biridir. Bu tip firmalar özünün, yəni sindikatın iştirakçılarının (firmalarının) məhsullarını vahid satış orqanı vasitəsilə həyata keçirirlər.
c) Trest - müxtəlif sahibkarlara mənsub olan müəssisələr birləşərək iri inhisar birliyi yaradırlar. İri istehsal kompleksi təşkil etməklə trestə daxil olan müəssisələr birbaşa əsas şirkətə tabe olurlar.
e) Holdinq - son vaxtlar geniş yayılmış formadır. Holdinqlər istehsal, ticarət, maliyyə, xidmət və s. fəaliyyət sahələri ilə məşğul olan müəssisələrin (firmaların) ittifaqı olmaqla, onların fəaliyyətinə nəzarət edirlər.
