Mühazirə müəllimi: Dos. H. H. Həsənov
Yüklə 2,21 Mb. Pdf görüntüsü
|
| KitabYurdu.az
57 - çek sahibinin hesabının çekdə qeyd olunmuş sayda çek üzərində göstərilən sayın uyğun gəlməsinə; - çek verənin şəxsiyyət vəsiqəsi məlumatlarının çek kartoçkasında göstərilmiş məlumatlara uyğun gəlməsinə; - çek verənin çeki doldurarkən etdiyi imza ilə onun çek kartoçkasındakı imzasının eyniliyinə əmin olmasına. Mal satan mal alandan çeki qəbul etdikdən sonra çekdəki vəsaitin öz hesabına daxil edilməsi üçün onu özünə xidmət edən banka təqdim edir. Çek ödənilmək üçün bank idarəsinə verildiyi gün nəzərə alınmadan üç iş günü ərzində təqdim oluna bilər. Çeklərlə hesablaşma zamanı əsas prinsip odur ki, vəsait verənin xüsusi bron hesabından silinməyənədək çek saxlayanın hesabına mədaxil olunmasın. Nağdsız hesablaşmaların bir forması da akkreditiv vasitəsilə aparılan hesablaşmadır. Akkreditiv – alıcı bankının alıcının akkreditiv ərizəsində göstərdiyi şərtlərlə ona göndəriləsi malın və göstərilən xidmətin satıcıya ödənilməsi haqda satıcı bankına verdiyi tapşırıqdır. Hesablaşmanın bu formasından yalnız kənarşəhərli hesablaşmalarda istifadə oluur. Akkreditivin fəaliyyət müddəti bank tərəfindən məhdudlaşdırılır və onun fəaliyyət müddəti satıcı ilə alıcı arasında bağlanan müqavilə ilə müəyyən edilir. Akkreditiv qaydasında hesablaşmanın bir xüsusiyyəti də ondadır ki, ödəniş satıcının yerləşdiyi yerdə aparılır. Akkreditiv vasitəsilə hesablaşmanın üstünlüyü ondadır ki, ödənişə zəmanət verilir, amma əvvəlcədən ödəniş forması deyildir. Belə ki, akkreditiv məbləği satıcının hesablaşma hesabı olduğu bankda bronlaşdırılır və satıcı əmin olur ki, onun yola saldığı malların dəyəri yola salınma sənədləri banka təqdim olunan kimi ödəniləcəkdir. Azərbaycan Respublikasında akkreditivlər ilə hesablaşmalarda yalnız sənədli akkreditiv formasından istifadə edilir. Sənədli akkreditiv elə bir sazişdir ki, onun əsasında bank (emitent bank) müştərinin (akkreditivə əmr verənin) xahişi ilə və onun sərəncamına əsasən hərəkət edərək ödənişi üçüncü şəxsin (benfisiaren) adına aparmalıdır. Yüklə 2,21 Mb. Dostları ilə paylaş:
|