Bildirişlər
1. Xəstəlik törədən küləklər təsadüfi deyil.
2. Zərərli küləklər faydalı küləklərdən azdır.
3. Bəzən insan acı bir hadisə ilə rastlaşdıqda tövhid (təkallahlıq) mədarından xaric olur və küfrə qatılır. (Bəzən bir zərərli külək şadlığı aradan qaldırıb qəm-qüssəyə çevirir.)
4. Haqqa çağırış və təbliğdə çağırışçının kamilliyi, çağırış üslubu və deyilənlərin mahiyyəti kafi deyil. Müsbət sonluq üçün qarşı tərəfin qabiliyyətli olması da şərtdir.
5. Qulaqları eşitməyən insan bəzən qarşısındakı şəxsin dodaqlarının hərəkətini izləyib nəsə anlayır. Amma bu kar insan danışan şəxsə arxa çevirdikdə işarələrdən də xəbərsiz qalır. Haqqa arxa çevirənlər bu qəbildəndirlər.
6. İnsanın inadkarlıqla və ardıcıl şəkildə haqqa arxa çevirməsi təhlükəlidir.
Ayə 53:
﴿وَمَا أَنتَ بِهَادِي الْعُمْيِ عَن ضَلَالَتِهِمْ إِن تُسْمِعُ إِلَّا مَن يُؤْمِنُ بِآيَاتِنَا فَهُم مُّسْلِمُونَ﴾
“Sən korları azğınlıqlarından çəkindirən deyilsən. Yalnız ayələrimizə iman gətirib, təslim əhli olanlar sənin sözlərini dinləyərlər.”
Dostları ilə paylaş: | 
