Nur təFSİRİ

Bildirişlər

1. Münafiqlərdən bir qismi şayiə yaymaqla, digər bir qismi cəbhədən qaçmaqla möminlərin ruhiyyəsini zəiflətmək istəyirdi.

2. Münafiqlər möminləri dini ənənələrdən, hətta dini adlar qoymaqdan çəkindirmək istəyirlər. (Onlar “Mədinə” əvəzinə “Yəsrib” deyirdilər.)

3. Münafiqlərin döyüşçüləri həvəsdən salan təbliğatlarından qəflətdə qalmayaq.

4. Döyüşə şəxsən əziz Peyğəmbər (s) komandanlıq edirdi.

5. Silahlı qüvvələr o qədər intizamlı olmalıdır ki, kimsə qoşunu icazəsiz tərk etməsin.

6. Döyüşçünün öz ailəsindən arxayınlığı o qədər zəruri məsələdir ki, münafiqlər bu mövzunu özlərinə hədəf seçmişdilər.

7. Ailə-məişət məsələlərinə əsarətdən qurtulmamış müvəffəqiyyət əldə etmək olmaz.

8. Münafiqlər qorxaq və bəhanəçidirlər.

9. Düşmən dindən din ziddinə istifadə edir. (Münafiqlər namusun hifzi ilə bağlı dini göstərişləri bəhanə gətirirdilər.)

10. Vəhy münafiqlərin çirkin düşüncələrini aşkarlayır və onları rüsvay edir.

Ayə 14:

﴿وَلَوْ دُخِلَتْ عَلَيْهِم مِّنْ أَقْطَارِهَا ثُمَّ سُئِلُوا الْفِتْنَةَ لَآتَوْهَا وَمَا تَلَبَّثُوا بِهَا إِلَّا يَسِيرًا﴾

“(Münafiqlər və xəstə qəlblilər elə bir halda idilər ki,) Mədinə ətrafından (düşmənlər) onlara yaxınlaşıb fitnəkarlıq təklif etdikdə tez qəbul edir və çox yubanmırdılar.”

Ayə 15:

﴿وَلَقَدْ كَانُوا عَاهَدُوا اللَّهَ مِن قَبْلُ لَا يُوَلُّونَ الْأَدْبَارَ وَكَانَ عَهْدُ اللَّهِ مَسْؤُولًا﴾

“Halbuki onlar bundan öncə Allahla əhd bağlamışdılar ki, (düşmənə) arxa çevirməyəcəklər. İlahi əhd sorğuya çəkiləsidir.”