Məktəb effektivliyi (School effectiveness) - Qoyulmuş məqsədə çatmaq üçün mümkün olan
tədris məqsədlərinin həyata keçirilmə dərəcəsi. Ən effektiv məktəblərin səciyyəvi xüsusiyyətləri
idarəetmə və liderlik, məktəb siyasəti, ev tapşırıqlarına münasibət, məktəbin əxlaqi ideyaları, davamiyyət və bu kimi cəhətlərdir.
Məktəb-icma əlaqələri (School community links) - İcmanın həyat tərziniinkişaf etdirmək, ona
öyrənməyə mane olan sosial problemləri aradan qaldırmaq məqsədilə ailə, icma lideri, müəllim və
müvafiq xidmət mütəxəssisləri ilə məktəb arasında əlaqələrin təmin olunmasına yönəlmiş cəhdlər.
Məktəb əsaslı idarəetmə (School-based management) - Məktəb islahatına dair qərar qəbul
etməyə məktəb səviyyəsində daha çox əhəmiyyət verən meyl, istiqamət. Əvvəllər məktəb siyasəti
dövlət və bölgələr səviyyəsində qurulurdusa, müasir dövrdə bu termin hər məktəbin öz müstəqil,
fərdi qərar və siyasətini qəbul etməsi kimi başa düşülür. Məktəb əsaslı kurikulumun inkişafı (School-based curriculum development) – Kurikulumun
məktəb səviyyəsində hazırlanması və inkişafı prosesi. Bu prosesin həyata keçirilməsi məktəb və
müəllimlərə verilən sərbəstliyin dərəcəsindən asılıdır. Kurikulum tapşırıqlarının həddi və tempinin
tənzimlənməsi, şagirdlərlə intensiv əlaqələrin təmin olunması, ətraf mühit və mədəniyyətdən
kurrikulum resursu kimi istifadə məqsədilə sərbəstliyin yaradılmasına ehtiyac vardır.
Məktəb İnkişafı Planı (School Development Plan) - Məktəbin kurikulum, təşkilat, heyət və
resurs ehtiyaclarını təkmilləşdirməyi aydınlaşdıran proses və plan. Bu təkmilləşmələri həyata keçir-
mək üçün müvafiq fəaliyyətin təmin edilməsi mühümdür. Belə fəaliyyət məktəb direktorunun
müəllimlər, hökümət üzvləri, icma daxilindəki məsləhətçilər və b. ilə əməkdaşlığı mühitində daha
yaxşı nəticə verir.
