54
V. SEXLARNI YORITISH
ATKda ishchilarning mehnat unumdorligini oshirishning
asosiy omillaridan biri ish joylarining yoritilishidir. Toʻgʻri tash-
kil qilingan yoritilganlik mehnat sharoitining me’yorda boʻli-
shini ta’minlaydi.
Faqatgina yoritilganlikni yaxshilash hisobiga ish unumdor-
ligi 5% dan ziyodroq oshganligi aniqlangan.
Ma’lumki, kishi 90% axborotni faqat koʻz orqali oladi.
Demak, korxonada yoritilganlikni ratsional tashkil qilish kishi
salomatligi hamda markaziy asab sistemasining faoliyati normal
boʻlishiga sabab boʻlar ekan. Yoritilganlik yetarli boʻlmasa yoki
u ratsional joylashtirilmasa, mashinaning xavfli qismlarini sez-
may qolishi natijasida bahsiz hodisalar sodir boʻlishi mumkin.
Normal yoritilganlik mehnat unumdorligini oshishiga va
mahsulot sifatini yaxshi boʻlishiga olib keladi.
5. 1. Mehnat muhofazasining ishlab chiqarishdagi
yoritilganlikka boʻlgan talablari
Ishlab chiqarish sharoitida yoritilganlik ishchilar salomatli-
giga zarar yetkazmasligi uchun u koʻzni zoʻriqtirmaydigan, ish
vaqtida xonaning hamma qismlarida bir tekis taqsimlangan boʻ-
lishi talab qilinadi. Yorugʻlik koʻzni qamashtirmaydigan boʻli-
shi, boshqacha qilib aytganda, yorugʻlik nurlari koʻzga toʻgʻri-
dan-toʻgʻri tushmasligi kerak. Yorugʻlikning spektral tarkibi
shunday tanlanishi kerakki, natijada kishi atrofdagi narsalarning
ranglarini toʻgʻri qabul qilsin. Ish joylarida keskin ajralib turuv-
chi soyalar boʻlishi va ish joylari bilan atrofdagi muhitning
yoritilganligi juda katta farq qilmasligi kerak. Chunki aks holda
kishi koʻzini bir sharoitdan ikkinchi sharoitga tez-tez oʻzgartirib
turishi natijasida koʻzining akkomodatsiya xususiyati buzilib,
koʻrish organlarining toliqish holati roʻy beradi.
|
