O’zbekiston respublikasi oliy va o’rta maxsus ta’lim vazirligi

Suv sathining fasliy tebranishi daryo havzasining tabiiy - geografik sharoitiga bog‘liq bo‘ladi. Bunda daryoning joylashish o‘rni, balandligi muhim rol o‘ynaydi. Daryolar suv sathining fasliy tebranishiga yoz oylarida suv o‘simliklari, qish oylarida esa muzlash hodisalari ta’sir ko‘rsatishi mumkin.

Suv sathining kunlik tebranishi, ko‘proq, daryolarning dengizga quyilish joylarida (shamol ta’sirida) va muzliklardan boshlanadigan kichik soylarda kuzatiladi.

Daryolar suv sathini kuzatishdan asosiy maqsad gidrotexnik inshootlarni loyihalash, qurish va foydalanish uchun kerakli ma’lumotlarni olishdir. Daryolar, soylardagi suv sathining o‘zgarish qonuniyatlarini bilmasdan turib, ularda bironta ko‘prik, to‘g‘on, kanal kabi suv inshootlarini loyihalash va qurish mumkin emas.

Suv sathini kuzatish barcha gidrometrik ishlarning asosiy tarkibiy qismi hisoblanadi. Gidrometriyada suv sathini kuzatish ma’lumotlaridan daryolardagi oqim miqdorini aniqlashda ham foydalaniladi. Buning uchun suv sathi bilan suv sarfi orasidagi bog‘lanish, ya’ni suv sarfi egri chizig‘i grafigi chiziladi.

2.2. Suv sathini aniq o‘lchaydigan asboblar va qurilmalar