O’zbekiston Respublikasi Sog’liqni saqlash vazirligi

Qabulxona tuzilishi: 
1. Kutish xonasi 
2. Ko’rish xonasi
3. Izolyator yoki boks xonasi 
4. Muolaja qilish xonasi
5. Sanitariya ko’rigidan o’tkazish xonasi 

---

10 
6. Uy kiyimlarini saqlash uchun xona
7. Bo’lim mudiri xonasi 
8. Katta hamshira xonasi 
9. Xo’jalik bekasi xonasi 
Qabul bo’limi shifoxonaga kirish oldida joylashgan bo’lib, eshiklari katta 
nosilka bilan bemalol kiradigan bo’lishi kerak. Tuzalib ketayotgan bemor yangi 
kelgan bemor bilan uchrashmasligi kerak. 
Ko’ruv xonasida bemorni ko’rish uchun maxsus stol, kushetka, shifokor va 
hamshira uchun stol bo’lishi kerak. Har bir bemorni ko’rgandan keyin kushetka va 
maxsus stol ustini 0,5% xloramin eritmasida latta bilan ho’llab artiladi. 
Bemorni sanitariya ko’rigidan o’tkazish quyidagilarni ko’zda tutadi: 
-Gigiyenik vanna, dush yoki bemorni ahvoli og’ir bo’lsa iliq suv bilan badanini 
artish. 
- Keyin bemorga shifoxona kiyimini kiyintirib, vaznini tortib, bo’yini o’lchab 
aniqlash. 
- Juda og’ir bemorlarni sanitariya ko’rigidan o’tkazmasdan reanimatsiya bo’limiga 
olib borish.
-Oyoq- qo’l tirnoqlarini olish. 
-Pedikulyozga tekshirish. Agar boshda bit bo’lsa unda tuman SES ga xabar berish. 
Shifoxonani ish rejimi: 
1. Davolash-muhofaza rejimi: Bu rejim o’z ichiga shifoxona kun tartibini saqlash, 
ertalabki uyqudan turishni nazorat qilish, haroratni o’lchash, shifokorni buyurgan 
vazifalarini bajarish, dorilarni berish, bemorlarni ko’rish, davolovchi va 
diagnostika muolajalarni o’tkazish , ovqatlantirish, dam olish, sayr qilish, 
qarindoshlarni kelish-ketishini nazorat qilish, binoni tozalash, va uyquga ketish 
oldidan bemorlarni kuzatib chiqishni o’z ichiga oladi.
2. Sanitar-gigiyenik rejim.(5 darsga qaralsin) 
3. Yuqumli kasalliklarga qarshi rejim. (5 darsga qaralsin)