Microsoft Word bankir ziyouz com doc
Yüklə 0,96 Mb. Pdf görüntüsü
|
| www.ziyouz.com kutubxonasi
240 ko‘rinardi. — Qiziq, — javob berdi Palmer savolga savol bilan, — tinchlikmi? Erta uyg‘onibsan? Siyqasi chiqqan olib qochishdan uyquga to‘ymagan Edisning ensasi qotdi. — Soat birda ham uyg‘oq edim. Sendan esa darak yo‘q. — Ikkigacha sabring yetmaydi-ku, — javob berdi Palmer bunga. — Tosh qotib uxlab yotibsan. Dastlabki savoliga javob bermaganini bilib tursa ham Edis sir boy bermadi. Buning o‘rniga yuvinish xonasiga bordi-da, tish cho‘tkasiga qo‘l cho‘zdi. U tishini yuva boshladi, Palmer esa soqol cho‘tkani namlab, stakanda sovun ko‘pirtirdi. Vanna ichini yalpiz aralash yengil lavanda hidi tutdi. Shisha devorda qizg‘ish yog‘du jilvalandi. Palmer yuzini chaydi-da, soqolini qirtishlay boshladi. Ahyon- ahyonda u xotiniga ko‘z tashlab qo‘yardi — surishtirishga tushib ketmoqchi emasmi, ishqilib. Birdan xotinini anchadan beri bunday holda ko‘rmaganini eslab, unga razm sola boshladi. Ular mehmonxonada turishganida vannaxonaga faqat bir kishi sig‘ardi. Ular bu uyga ko‘chib kelganlaridan buyon Edis negadir har kuni undan oldin kelib yuvinardi. Yumshoq elastik pijama xuddi homilador ayollarday Edisning yelkasida shalvirab turardi. Tepadan tushib turgan och pushti nurda pijama yanada to‘q ko‘k bo‘lib ko‘rinardi. Devordagi isitgichlar yaxshi ishlab turganiga qaramay, Edisning ensiz yalang oyoqlari va boldirchalari sovqotganidan g‘oyat ayanchli ko‘rinmoqda edi. Xotinini tishini tozalab bo‘lib, baland bo‘yli shishadan allaqanday sutrang suyuqlik olib, yuzini chayayotganini kuzatar ekan, Palmer uning dumbalari silkinishidan sonida osilib turgan ishtoni asta sirg‘alib, oyoqlari atrofiga taxlanib tushganini ko‘rdi, tushgan kiyim chekkasidan faqat oyoq barmoqlarigina chiqib turardi. Palmer kiyinishga chog‘languncha xotini yotoq bo‘lmadan chiqib keldi. Xalatni yechishdan oldin tishlangan joyni berkitish uchun Palmer trusigini tortib qo‘ydi. Bir necha daqiqadan keyin u oshxonaga kirgan edi, qarasa, u yerda hech kim yo‘q ekan, dasturxon yozilmagan. U oshxonaga bordi. Ola-bula guldor qaviqli xalatida missis Keyj choynakka sovuq suv to‘ldirayotgandi. — Salom. Missis Palmer qani? Birmuncha muddat hech nima deb javob bermay, oshxona bekasi unga qarab turdi. — Tepada. Nima, soatim orqadamikan? Meniki yetti yarim bo‘ldi. Palmer o‘zining soatiga qaradi. — To‘g‘ri. — Bugun erta turibsiz, — dedi ayol, — salom. Oshxonadan chiqib ketar ekan, Palmer jiddiy jilmayib qo‘ydi. Odatdagidan erta turganim ham hech nimani anglatmaydi, o‘ziga tasalli berdi u. U uzun egma zinapoyalardan katta eshik oldiga tushib bordi-da, eshikni ochdi. Eshik va devor oralig‘idagi bo‘shliqqa ko‘zdan yashirin tashlab qo‘yilgan gazetalarni paypaslab topguncha shamolsiz qish tongining kuchli izg‘irini baribir badanini teshib yuborgudek bo‘ldi. Gazetalarni topib ichkariga shoshildi va yana zinadan ko‘tarilib, “Tayms”dagi Olbani xabarini o‘qishga tutindi. Aftidan, ayni vaqtda u yerda bahsli qonun loyihalari haddan tashqari ko‘p edi, ammo bo‘limlar haqidagi qonun loyihalari haqida esa bir og‘iz ham gap yo‘q edi. Palmer “Gerld tribyun” hisobotini mutolaa qilgancha birinchi qavat maydonchasida turar edi. O’z odati bo‘yicha Olbanidagi voqealarni o‘zaro bo‘lashib, gazetalar ikkita maqola berar edilar. Biri dalillarni xabar qilsa, ikkinchisi bu voqealar rivojini sharhlar edi. Har doimgidek, gapning tagiga yetish uchun har ikkala maqolani yodlab olish zaruratidan xayol g‘ijinish his etardi. Shunday bo‘lsa-da, voqealarni tanqid etayotgan maqola tagida mayda harflar bilan pot pourri qisqa xabarlarga ko‘zi tushdi. Ularda turli mish-mishlar bayon etilgandi. “Manba katta ham, kichik ham emas, Viktor S., Katta Vik esa ittifoqdoshlariga omonat banklari bo‘limlari haqidagi qonun loyihasi munosabati bilan Tammanining mustahkam muxolifatida parokandalik haqidagi mish-mishlarda zarracha haqiqat yo‘q. Uning mavjud holatidan ancha ko‘ngli to‘q bo‘lib ko‘rinuvchi atter ego, publitsist Mak Berns shtatning g‘arbiy okruglari bo‘ylab kichikroq sayohat qilmoqda”. Palmer titrab ketdi. |