Şahlar həSƏNOĞLU
**** ***** ****
Yüklə 1,51 Mb. Pdf görüntüsü
|
|
**** ***** **** Orxan altıncı kursda oxuyarkən avtomatın ideallaş- dırılması haqqındakı o səfsətə fikirlərin hardan gəlib başına dolduğunu anladı: görünür bədbəxt hadisə də içki kimi dəyirmiş insanlara. İçki kimini danışdırıb güldürdüyü, kimini qəmləndirib ağlatdığı, kimini yatırıb bir bucağa atdığı, kimini də bir caniyə döndərib, ictimayi əsaişə qarşı qaldırdığı kimi, başına bədbəxt hadisə gəlmiş adamların da bir qismi gülməklə, bir q ismi ağlamaqla ötüşdürüb son nəhayətdə, sınırır bu hadisəni, unudub çıxarır yadından. Bir ay, beş ay, bir il ... axır bir gün unudur bu faciyəni. Bəziləri baş götürüb tanışdan- bil işdən, eldən-obadan uzaqlaşıb gedir. Bəziləri də bir bədbinlik azarına tutulub həyatda var olan hər şeyə bir gün yox olub gedəcək pozu kimi baxaraq küsür hər şeyə, küsür dünyaya. 172 Qəbul etmir həyat olaylarını. Ağıllı hesab etmir, onları dəyişdirib başqa, daha ağıllı bir uyğarlığa salmaq haqqında baş sındırır. Avtomat haqqındakı səfsətələri də elə onun hər şeyə bu küskün yanaşımından doğmuşdu. Həyatında baş vermiş bu ilk itkiyə gənc başının verdiyi bir cavabmış demə bu, əks təpki imiş demə! Dəhşətli ağrıya uğramış bədəndə bu ağrıya qarşı bədənin bir müqaviməti, əks təpkisi kimi oyanmış keyləşməyə bənzər bir halmış demə. Ağrının ilk dəhşəti ötüb keçincə bu keyləşmə də zəyifləyir və sızladıcı bir göynək oyanıb qalxır yerindən. Gərək ağrının şiddəti o qərəcədə ola duya bilə bədən onu, ağrı hədsiz dərəcəyə çatanda bu oyanmış keyləşmə səbəbi ilə bədən artıq duya bilməyəcək ağrını. İndi Sürəyyanı itirməsindən doğmuş o ilkin dəhşət, ona qarşı ruhunda baş qaldırmış o keyləşmə-o bədbinlik azarı ötüb keçəndən sonra, içində sızıldayan bir Sürəyya göynəyi baş qaldırmışdı. Əvvəlki normal ağlı da qayıtmışdı başına, yoldaşları, dostları ili münasibətlərindəki o gülünc filosofluq ədası büsbütün silinib getmişdi ondan. Təkcə özünü tibb elminə həsr etmək haqqındakı qətiyyəti azalmayıb əksinə daha da güclənmişdi. Aspirantura haqqında düşünməyə başlamışdı. Bu düşüncə onu professorların böyür başlarında həllənməyə, onların hər bir tapşırıqlarını bir qul kimi can- başla yerinə yetirməyə, onların gözündə "istedadlı bir tələbə kimi özünü tanıtmağa səfərbər etmişdi". Artıq adlı təqaüd alırdı. Elmi konfranslarda çıxış edir, tələbə elmi cəmiyyətində ən fəal şəkildə işltirak edirdi. Onda professorlara xoş gələn bir cəhət də bu idi: ixtisas barədə onlara başqaları kimi tez-tez müraciət edib başlarını aparmırdı. Ona təklif edilən boğaz-burun-qulaq həkimliyi ixtisasını dərhal götürmüşdü. İnternatura barədə, hansı xəstəxanada, hansı şəhərdə ordinatura keçəcəyi haqqında da indidən söz-söhbət başlayıb heç kəsin əsəblərini korlamırdı. Aıtıncı kursu qurtarıb Bakının ucqar rayonlarından birindəki xəstəxanaya göndəriləndə də bir kəlmə söz çevirmədi. Buraya 173 heç kim getmək istəmirdi. Əlbəttə onların öz mülahizələri vardı. Orxan isə gedib görmüşdü: bura elmi işlə məşğul ola bilmək üçün olduqca rahat, əlverişli bir yerdi. Həftəfə, ayda bir yol gəlib professorların verdikləri tapşırıqlar üzrə elmi işlə məşğul olur, təcrübələr aparır, məqalələr üçün materiallar toplayırdı. Professorların özlərinə aid olan işlərin də texniki cəhətlərini yerinə yetirir, onların işlərini yüngülləşdirərək həm də bacarıqlı bir elmi işçi kimi onların gözündə yüksəlirdi. Tələbə dostlarının artıq xeyir işləri-toy məclisləri başlamışdı. İlk olaraq Elxanla Natella evləndilər. Onların toyunda bütün Sahibov kompaniyası ən fəal şəkildə iştirak etdi. Adillə Elxan hamının sürəkli alqışları altında qucaqlaşıb- öpüşüb barışdılar. Sonra dostlar avtobus tutub rayonda təşkil olunmuş toy məclisinə də yollandılar. Orxan hələ üstəlik Natellanın məclisində də iştirak etdi. Samavardan çay töküb paylayırdı. Sonra Adillə Zərifənin Sahibovla Fəridənin, Zahidlə İradənin toy məclisləri oldu. Daha çox təyinat mülahizələri ilə belə bir birinin ardınca qurulurdu bu məclislər. Orxan isə Elmi Şuradan aspiranturaya təqdimat əldə etməyə çalışırdı. Bu barədə sıxılıb eləmədən bütün Elmi Şura üzvləri ilə danışıb olların rəyini öyrənmişdi. Demək olar hamısı bir ağızdan ona razıydılar. Lakin Orxan bilirdi ki, bu heç də hələ işin hamısı demək deyildir. Qərar lap sonuncu gündə, Elmi Şura iclası prosesində müəyyənləşib veriləcəkdi. Elmi Şuradan aspiranturaya bu təqdimatı əldə etmək üçün oğulların-qızların özlərində Orxan kimi səy olmayacaqsa da, atalarda, analarda belə səy mütləq olacaqdı, oğluna-qızına bu təqdimatı ələ gətirmək üçün onlar bütün mümkün imkanlardan, əlaqə və münasibətlərdən tanışlıq-qohumluqlardan istifadə edəcəklərdi. Belə olanda da itirilən yer məhz Orxanın yeri olacaqdı. Hər halda ümumi rəyə o çox ümüdlər bəsləyirdi və bilirdi də bu ümumi rəy indiyədək çox ataları, anaları məyus edibdir, elə indinin özündə də məyus edə bilərdi. |