Bədxassəli şişlər ağız bşluğunun selikli qişasında-yanaqda, reromolyar nahiyədə,
dəhlizdə, dilaltı nahiyədə, alveol çıxıntısında, sərt və yumşaq damaqda yerləşirlər.
Ağız boşluğunun selikli qişasının xərçəngönü xəstəlikləri obliqat və fakultətiv
xarakter daşıyaraq aşağıdakılar ola bilərlər.
Obliqat formaya aiddirlər: Bouen xəstəliyi, ziyil və düyünlü xərçəngönü proses,
məhdud hiperkeratoz. Fakultətiv xərçəngönü xəstəliklər: leykoplakiya, papilloma,
keratokantoma və s.
Ağız boşluğu selikli qişanın xərçəngi kliniki formasına görə müxtəlif birincili
əlamətlərə (infiltrat, xora, ağrılar) malikdir. İlkin başlanğıcda məməciyə oxşar
qalınlaşma müşahidə olunur və sonra kənarlar mütəkkəyəoxşar xora yaranır.
Ağız boşluğu selikli qişanın xərçəngi ölçüsünə, yayılma dərəcəsinə və limfa
düyünlərin zədələnməsinə görə 4 mərhələyə bölünür.
Birinci mərhələdə infiltrat ya xora 2 sm-ə qədər
həcmdə olur, proses bir nahiyədə
yerləşir, limfa düyünlərdə metastaz qeyd olunmur. İkinci mərhələdə şiş bir az
böyümüş, selikli qişanın alt qatına yayılmış olur, limfa düyünlərdə tək-tək metastaz
ayırd edilir. Üçüncü mərhələdə proses dərin qata və qonşu nahiyəyə yayılır, limfa
düyünlərdə çoxlu miqdarda metastaz müşahidə olunur. Dördüncü mərhələdə ağız
boşluğunun bir neçə nahiyəsinin, dərin qatların, limfa düyünlərin hər
iki tərəfdən
zədələnməsi aşkar olunur.
Ağız boşluğu selikli qişasının xərçənginin differensial diaqnostikası
ilk növbədə
xərçəngönü xəstəliklərlə, xoşxassəli şişlərlə aparılmalı, patohistoloji müayinə
əsasında diaqnoz təsdiq olunmalıdır.
Ağız boşluğunun selikli qişasının xərçənginin müalicəsi kompleks metodla
operasiyaönü şüa terapiyası, cərrahi üsulla şişin çıxarılması, regionar metaztaz
zamanı boyun toxumalarının çıxarılması əməliyyatı aparılır.
Dostları ilə paylaş: 
