Mühazirə müəllimi: Dos. H. H. Həsənov

KitabYurdu.az 
94

---

nağd pulları qəbul etmək, onların tələbatını ödəmək üçün nağd pul vermək, kredit 
kartları buraxmaq və s. ibarətdir.
2. Kredit xidməti. Kommersiya bankları təbii ki, topladığı əmanətləri, yəni pulları 
satmalıdır ki, əmanətlərə görə faizi qaytara və müəyyən gəlir götürə bilsinlər. Bankların 
kredit xidməti yalnız birbaşa ssuda verilməsi ilə yekunlaşmır. Onlar həmçinin krediti 
əvəz edə bilən digər xidmətlərdən, o cümlədən lizinq, faktorinq kimi əməliyyatlardan da 
istifadə edirlər ki, bunlar da bank təcrübəsində geniş yaılmışdır; 
3. Əmanət xidməti. Bu banklar əmanətçilərə müddətli, müddətsiz və ya əmanət 
hesabı açıb onlara xidmət göstərirlər; 
4. Investisiya xidmətləri. Bu xidmət növü ilə kommersiya bankları müştərilərə öz 
vəsaitələrini qiymətli kağızlara, daşınmaz və daşınan əmlaka, qiymətli materiallara və s. 
qoymağa imkan yaradır; 
5. Trast (etibar-inam) xidməti. Bununla kommersiya bankları fiziki və hüquqi 
şəxslərin əmlaklarının və ya vəsaitlərinin idarəçiliyini həyata keçirir və buna görə haqq 
alır; 
6. Idxal-ixrac əməliyyatlarına xidmət, valyuta əməliyyatları. Kommersiya 
bankları xarici iqtisadi əlaqələr zamanı hesablaşmaları, maliyyələşmə və kreditləşməni 
və digər valyuta əməliyyatlarını həyata keçirir; 
7. Məsləhət xidməti. Banklar öz müştərilərinə və həmçinin digər təşkilatlara 
iqtisadi-maliyyə işi üzrə kapitalın yerləşdirilməsi və s. üzrə məsləhətlər verib, buna görə 
haqq ala bilərlər. 
Banklar əmtəə mübadiləsi ilə yanaşı, daşınma, saxlama və satış əməliyyatlarını da 
kreditləşdirirlər. Sənaye istehsalının inkişafı nəticəsində istehsal tsiklinin qısamüddətli 
kreditləşdirilməsi əməliyyatları bankların əsas əməliyyatlarına çevrilir, (dövriyyə 
kapitalının yerinin doldurulmasına, xammal və hazır məhsul ehtiyatlarının 
yaradılmasına, əmək haqlarının ödənilməsinə və s. verilən ssudalar). Bankların yerinə 
yetirdikləri əməliyyatlar sferasının genişlənməsi və kreditlərin müddətinin uzadılması