Shaxs va jamiyat

uchinchi bo‘lim. Sivilizatsiyalar – ijtimoiy-madaniy jarayon
www.ziyouz.com kutubxonasi

---

161
O‘zbekistonda kechayotgan siyosiy jara-
yon markazida davlat istiqlolini ta’min-
lash vazifalari huquqiy demokratik davlat 
barpo etish ko‘rinishida olib borilmoqda. 
«biz barpo etayotgan, – deydi i.karimov, – eng avvalo, umumjahon 
sivilizatsiyasiga, davlat qurilish sohasida boshqa xalqlar erishgan 
tajribalarga, ijtimoiy qadriyatlarga asoslanish lozim».
1
qurilayotgan 
bu davlatning asosiy tavsiflari rivojlangan demokratik mamlakatlar, 
davlatlar faoliyatida o‘z ifodasini topgan, shuningdek, nazariy 
umumlashtirilgan. bularda O‘zbekistonga ham konkret sharoitlar 
hisobga olinib tatbiq etish mumkin bo‘lgan quyidagi qoidalar ilgari 
suriladi:
1. Xalq suverenitetini tan olinganligi zaminida jamiyat tomonidan 
davlat qonunchilik organlarining yaratilishi. O‘zbekistonda amalda 
bo‘lgan siyosiy-huquqiy tizimda xalq oliy hokimiyat manbasi sifatida 
olinib uning bu oliy hokimiyati umumiy tarzda va yashirin ovoz 
berish yo‘li bilan saylangan parlamentga o‘tgan. davlatning oliy 
vakolat organi bo‘lgan bu parlamentga demokratik tamoyillar asosida 
jamiyat hayotining muhim jihatlarini boshqarish bo‘yicha oliy huquqiy 
kuchga ega bo‘lgan qonunlar ishlab chiqish va kuchga kiritish huquqi 
berilgan.
O‘zbekiston Parlamenti hozirgi vaqtda ikki palatalik bo‘lib ancha 
takomillashgan ish maromida faoliyat ko‘rsatmoqda. hozirgacha qabul 
qilingan qonunlarning umumiy soni 400 taga yaqin bo‘lib, ularda 
kishilar hayot faoliyatining iqtisodiy, ma’naviy, ijtimoiy va siyosiy 
boshqaruv sohalarining huquqiy tizimi asoslangan.
2. Hokimiyatlarning qonunchilik, ijroiya va sud hokimiyatlariga 
bo‘linganligi. sovet davlati sharoitlarida e’tibordan chetda bo‘lgan 
bu tamoyil O‘zbekistonda asosiy jihatlariga ko‘ra turmushga tatbiq 
etilgan. xalq tomonidan saylangan va qonunlar qabul qilish yo‘li bilan 
jamiyat rivojlanishining asosiy yo‘nalishlarini belgilashi lozim bo‘lgan 
qonunchilik hokimiyati siyosiy erkinliklar, huquqiy tartibotni qaror 
toptirish va hokimiyatni alohida mansabdorlar, ijtimoiy guruh yoki 
biron-bir muassasa tomonidan suiiste’mol qilishga yo‘l qo‘ymaslik 
bo‘yicha ham faoliyat ko‘rsatadi.
1
i. a. karimov. «vatan sajdagoh kabi muqaddasdir». 3-jild. t., 
«O‘zbekiston», 1996. 7-bet.