12 Ar íre i Heru cenne se, endarya etelende senna, ar quentes senna: “Áva na yaimea!” 13 Ar túlienwa hare appanes i tulma, ar i colindor pustaner, ar quentes: “Nessa nér, quetin lyenna: Á orta!” 15 Ar i qualin nér hamne ama ar *yestane carpa, ar Yésus se-antane amilleryan. 16 Sí rucie nampe te illi, ar antanelte alcar Erun, quétala: “Túra Erutercáno anaie ortaina ama mici ve,” ar: “Eru icímie lierya!” 17 Ar quetta sina vistane mir quanda Yúrea ar i quanda *oscaitala nórienna.
18 Ar Yoháno hildor nyarner sen pa ilye nati sine. 19 Ar Yoháno yalle atta hildoryaron ar mentane tu i Herunna quetien: “Ma elye ná ye tulumne, hya ma mauya men yéta ompa exenna?” 20 Íre túlette senna, i neri quenter: “Yoháno i *Tumyando mentane met lyenna quetien: Ma elye ná ye tulumne, hya ma mauya men yéta ompa exenna?”
