| § 2.2. Spektral təhlil üsulu
Göstərildiyi kimi, siqnalların radioelektron dövrələrdən keçməsi məsələlərinin təhlilində onların zamandan asılılığı çox vaxt siqnalın spektral tərkibi haqqında aydın təsəvvür yaratmağa imkan vermir. Siqnalların spektral tərkibini araşdırmaq lazım gəldikdə spektral üsuldan geniş istifadə olunur. Üsulun mahiyyəti ondan ibarətdir ki, zamanın funksiyası olan ixtiyari mürəkkəb siqnal – uyğun amplitud, tezlik və fazaya malik harmonik toplananlarla, siqnalın zamandan asılılığı isə tezlikdən asılılığı ilə ifadə edilir. Mürəkkəb siqnalların harmonik toplananların cəmi ilə ifadə olunması harmonik rəqslərin texniki cəhətcə asan generasiya oluna bilməsi, sabit parametrli xətti dövrələrdən keçərkən öz harmonik rəqs xarakterini saxlaması və çox kiçik tezlik zolağı tutması ilə əlaqədardır.
Məlum olduğu kimi, siqnallar periodik və qeyri-periodik olur. Əvvəlcə spektral təhlil üsulunun periodik siqnallara tətbiq edilməsinə baxaq.
Dostları ilə paylaş: |
