D. O‘rinbayeva m. Rahimova
Yüklə 0,89 Mb. Pdf görüntüsü
|
- Bu səhifədəki naviqasiya:
- MILLIY BAYRAMLAR
|
O’LMAS MEROS Misr hukmdori bilan Rum hukmdori kelishib, do’stlik ahdini tuzdilar va oradagi adovatga barham berdilar. Hatto Misr hukmdori Rum hukmdorining qizini o’g’liga nikohlab, qizini esa Rum shahzodasiga uzatdi. Ularning do’stlik va qarindoshlik aloqalari uzoq davom etdi. Bir kuni Rum hukmdori qudasiga bu mazmundagi maktubni yo’lladi: Ko’zimning nuri bo’lmish aziz farzandlarimizning bizlardan keyin ham farog’atda yashamoqliklari uchun hozirdan chora-tadbir ko’rishimiz kerak. Men o’g’lim uchun juda ko’p oltin jamladim. Chiroyli bog’ va saroy barpo ettirdim. Siz ham shunday qilgandirsiz? Misr hukmdori maktubni o’qib tabassum qildi va javob yo’lladi: Qadrdonim, men sizdan ko’ra sal boshqacharoq yo’l tutdim. Vafosiz mol-dunyo va matohlarga iltifot etmaganim tufayli o’g’limga oltinu javohirlar emas, ilm, hunar, odob, axloqni meros etib qoldirishni istadim. Uni ilmli, hunarli, xushaxloq qilib tarbiyaladim. Uni yaxshi adab libosi bilan bezadim. Mol-dunyoga qachondir zavol yetadi, ammo men qoldirayotgan merosga hech zamon zavol yetmaydi. Bu meros farzandimni har qanday balo-ofatlardan omon saqlagay... (146 ta so’z). 72 MILLIY BAYRAMLAR Bayram – muhim tarixiy voqea, hodisa sharafiga shodlik, rasmiy tantana o‘tkazish uchun belgilangan muborak kun. Bunday muborak kunlar xalq tomonidan quvonch, shodlik, tantana, o‘yin-kulgi bilan kutib olingan, tantanavor nishonlangan. Har bir xalqning asrlar davomida shakllangan, ardoqlab-e’zozlaydigan o‘ziga xos bayramlari, tantanalari, an’analari bo‘ladi. Bayramlar qadimgi davrlardan boshlab xalq hayotining eng muhim va tarkibiy qismiga aylanib ketgan. Bayramlarda xalqning qadimiy udumlari, an’analari, tarixi, madaniyati o‘zining yorqin ifodasini topadi. Bayramlarda kishilarning diniy, ijtimoiy, madaniy, ma’naviy yutuqlari namoyish etiladi. Bayram arafasida, bayram kunlari kishilar bir-birlarini tabriklaydilar, bir-birlariga yaxshi niyatlar izhor etib, muvaffaqiyatlar tilaydilar. O‘zbek xalqi eng qadimgi davrlardan xalq orasida Navro‘z, gul sayli, ekin ekishga kirishish, qovun sayli, uzum sayli, hosil bayrami kabilar keng tus olgan. Keyinchalik islom dini bilan bog‘liq Ramazon va Qurbon hayitlari ham keng nishonlanadigan bo‘lgan. Bayramlar ichida Navro‘z va Yangi yilni bolalar ham, kattalar ham intizorlik bilan kutadilar. Bu bayramlarga imkon qadar jiddiy tayyorgarlik ko‘rishadi. (144 ta so’z). Yüklə 0,89 Mb. Dostları ilə paylaş:
|