Yəhuda Makkabinin dəfni 19 Yonatan və Şimon qardaşları Yəhudanı
götürüb
Modində,
əcdadlarının
məzarlığında dəfn etdilər. 20 Bütün İsrail
onun üçün ağlayıb böyük yas tutdu. Onlar
uzun müddət matəm saxlayıb dedilər:
21 «İsraili xilas edən qüdrətli insan necə də
həlak oldu!» 22 Yəhudaya dair başqa
sözlər, onun döyüşləri, göstərdiyi igidliklər
və onun əzəməti burada yazılmayıb, çünki
bunların sayı olduqca çoxdur.
Yatan Yəonhudilərin rəhbəri olur 23 Yəhudanın ölümündən sonra bütün
İsrail ərazisində qanunu tanımayan
adamlar peyda oldular və bütün haqsız iş
görənlər baş qaldırdılar. 24 O günlərdə
olduqca böyük aclıq üz verdi və sakinlər
ölkəni boşaldıb onlar tərəfə keçdilər.
25 Bakxid dinsiz adamları seçib onları
ölkənin idarəçiliyinə təyin etdi. 26 Bu
adamlar Yəhudanın dostlarının yerini
arayıb-axtararaq onları Bakxidin önünə
gətirirdilər. O da onlardan qisas alır və
onlara həqarət edirdi. 27 İsrailə böyük
zülm üz verdi; onlar arasında peyğəmbər
görünməyəndən bəri belə bir şey
olmamışdı. 28 Onda Yəhudanın bütün
dostları toplaşıb Yonatana dedilər:
29 «Qardaşın Yəhuda öləndən bəri
düşmənlərə, Bakxidə və millətimizə nifrət
edənlərə qarşı çıxan onun kimi bir nəfər
olmadı. 30 Beləcə, bu gün səni seçdik ki,
döyüşlərimizi aparmaq üçün onun əvəzinə
bizə başçı və rəhbər olasan». 31 O vaxt
Yonatan rəhbərliyi qəbul etdi və qardaşı
Yəhudanın yerinə keçdi.
