| Bəstəkar mahnıları. Azərbaycan musiqi tarixində ölməz əsərlər yaradan bununla da musiqi xəzinəmizi zənginləşdirən dahi bəstəkarlarımız öz ilhamını xalq mahnılarından, muğamlarımızdan almışlar. Bəstəkar mahnılarının sözlərini şifahi xalq ədəbiyyatımız, yazılı ədəbiyyatın nadir inciləri, müasir şairlərin şeirləri təşkil edir. Məsələn, “Həyat eşqi”, “Məhsul nəğməsi”, “Ağ şanı, qara şanı”, “Lalələr” (C. Cahingirov), “Şirin arzular”, “Qonşu qız” (Ə.Tağıyev), “Göy göl”, “Aslanın mahnısı” (F. Əmirov) və s. Bəstəkar musiqilərinin adları əsasən şeirin mövzu və məzmunu, şeirin adı ilə adlandırılır və yaxud da bəstəkar özü mahnıya yeni ad seçir. Bəstəkar dedikdə ilk ağlımıza gələn şəxs dahi bəstəkarımız (dramaturqumuz, publisistimiz, musiqişunasımız) Üzeyir Hacıbəyov gəlir. Azərbayvcan tarixində ilk opera, musiqili-komediya janrının yaradıcısı kimi xatırlanır. Onun “Səni gözləyir”, “Ananın oğluna nəsihəti”, “Qaragöz” mahnıları, Nizaminin sözlərini yazılmış “Sənsiz” və “Sevgili canan” romansları qəlbləri fəth edir.
Bəzən də həvəskar və yaxud müğənnilərin özləri tərəfindən cılız, bayağı musiqilər də düzülüb qoşulur ki, bunun da ömrü az olur. Məsələn, “Cancana”, “Maral”, “Heç mənə lazım da deyil” və s.
Dostları ilə paylaş: |
