İŞ TƏŞKİlat halinda olmalidir

Mövcud reallıqları görməmək

Səhvlərdən biri də budur ki, biz bəzi reallıqları görək, bəzilərini isə görməzdən gələk. Bu da səhvə səbəb olur. Bunun ardınca hesablamalarda yanlışa yol verəcəyik. Reallıqların hamısını görmək, bilmək lazımdır.

Reallıqları görməkdə digər səhv öz daxilimizə qayıdır. Bəzən qəlbi meyillərimiz bəzi şeyləri reallıq kimi görməyimizə səbəb olur, əslində isə reallıqdan uzaqdırlar və bizim rahatlıq axtaran nəfsimiz bizi onlara sövq edir.²

5) Rəhbərlik bacarığı

İdarəçilik barədə də fikirlər var. Dostlar təkliflər etdilər ki, əsasnamə, nizamnamə və mənzərə sənədi yazılsın. Bunların hamısı yaxşı və düzgündür, lakin bacarıqlı müdiriyyət olmadan heç biri mümkün deyil. Nəticə gözlənilən bütün proqramlı və müsbət işlərin açarı uğurlu müdiriyyətdir.¹

Harada nailiyyət olmayıbsa, bu bir neçə səbəblə bağlı olub. Az işləmək və az təşəbbüs göstərmək bu səbəblərdəndir. Bunlar müdirlərə aiddir. Zəif müdirlərin, adətən, işləri, təşəbbüsləri, bacarıqlı kadr seçimləri də zəif olur.²

Komandirin nəfəsi bütün hərbi birləşmədə hiss olunur, onları hərəkətə gətirir, ruhlandırır və onların kollektiv həyatını qoruyur.³

Bir neçə il öncə təcrübəli və bacarıqlı bir hərbçidən bir söz eşitdim, sonralar bunu ordu komandirlərində də dəfələrlə sınaqdan keçirdim. O, haqlı olaraq deyirdi ki, komandirin rəhbərlik qabiliyyəti olmalıdır, bunsuz komandir ola bilməz. Komandirlik ancaq əmr etməkdən ibarət deyil. Komandirlik mənəvi bir iş, bir növ rəhbərlikdir, hərtərəfli idarəetməyə, zehnə, hissiyyata, əmələ, cismə, ruha söykənən, təşkilatçılıq qabiliyyəti ilə mümkün olan işdir. Bu, silahlı qüvvələrdə lazım olan nəticənin tam əldə edilməsinə səbəb olur. Texnika və silahlar bundan sonra işə düşür. Texnika köhnədirsə, təzələnməlidir, təzədirsə, qorunmalıdır. Komandirlik və idarəetmə olmadan hətta təzə texnika da sıradan çıxar və işə yaramaz, nəinki köhnələr.

Bəzi yerlərdə texnika vardı, amma faydası toxunmadı. Bəzi Fars körfəzi ölkələrində modern texnika var. Onların çatışmazlığı texnika deyil, silahlı qüvvələrində komandirlik səviyyəsinin sıfra bərabər olmasıdır. Məhz buna görə özlərini müdafiə etmək üçün başqalarını çağırmağa məcburdurlar.

Mənə elə gəlir ki, bu qayda komandirin öz tabeliyində olanlarla düzgün münasibətinin qurulmasına bağlıdır. Ən yüksək rütbədən ən aşağıya qədər buna riayət olunmalıdır. Bunu yalnız sizə deyil, bütün zabitlərə deyirəm.

Bir komandir təkbaşına heç bir iş görə bilməz. Komandirlik zəncirvari halqalardan ibarətdir. Bu zəncir qırılmamalıdır və bu, münasibətləri düzgün qurmaqla mümkündür. Silahlı qüvvələrin komandirləri bir komandir üçün lazım olan əsas xüsusiyyətlərə malik olmalıdırlar. Siz bu məsələyə doğrudan da əhəmiyyətli yanaşmalısınız.¹