İmpritinq və təlim. İmprintinq təlim almanın və yaddaşın ən ilk forması sayılır və yeni dünyaya gəlmiş quş və ya heyvan balasının həyatlarının məhdud zaman çərçivəsində, valideyn əhatəsi, həyatı ilə bağlı olan görmə, eşitmə, taktil və qoxu siqnallarının beyində həkk olunmasında ifadə olunur. Bu yaddaş izləri heyvanın sonrakı davranışında dominatlıq kəsb edir, onları silmək, onlara düzəliş vermək bir o qədər də asan deyil, bəzən bu heç mümkün olmur. Yumurtadan təzə çıxmış ördək balalarına analarını bircə dəfə görmək kifayətdir ki, onlar onun dalınca getsin. Anasının öldüyü yeri görmüş quzu sürüdən ayrılaraq dəfələrlə həmin yerə qayıdır, oradan uzaqlaşmaq istəmir, o sürüyə çətin uyuşur.