olduğu yerdə başqalarını ön görəmək yersizdir» heç kim inkar edə bilməz! Bu
hədis Əbu Bəkrin ümmətin digər şəxslərindən hər işdə qabaqcıllıq haqqına sahib
olduğunu isbat edir».
Dəvətçi: «Anlaya bilmirəm, nə səbəbdən düşünlərdən nəql olunan hər hədisi
qəbul edirsiniz. Əgər Rəsulallah (s) bu hədisi buyurmuş olsaydı, nə üçün dediyinə
görə əməl etmədi? Nə üçün mübahilə hadisəsində Əbu Bəkrin yerinə həzrət Əlini
(ə) özü ilə bərabər apardı? Nə üçün Təbuk səfərində Əbu Bəkr olduğu halda, həzrət
Əlini (ə) xəlifə olaraq öz yerin qoydu? Məkkədə «Bəraət» surəsinin oxunması
məsələsində nə üçün Əbu Bəkri kənarlaşdırıb, yerinə həzrət Əlini (ə)
vəzifələndirdi? Nə üçün Məkkə fəth edildikdən sonra Kəbədəki bütləri yıxmaq
üçün Əbu Bəkrin yerinə həzrət Əlini (ə) önə çəkib, hətta Hubəl bütünü yıxması
üçün onu çiyninə qaldırdı? Əbu Bəkr olduğu halda nə üçün yəmənliləri İslama
dəvət etməyə həzrət Əlini (ə) göndərdi? Hamısından əlavə, nə üçün özündən sonra
xəlifə olası üçün Əbu Bəkrin yerinə həzrət Əlini (ə) vəsi təyin etdi?».
Şeyx: «Rəsulallahdan (s) bir çox səhih hədis nəql edilmişdir. Bunu qətiyyən
inkar edə bilməzsiniz. Hədis belədir: Əmr ibn As deyir ki, bir gün Peyğəmbərdən
(s) belə soruşdum: «Ya Nəbiyyəllah! Ailənizdəki qadınların içində ən çox
sevdiyiniz kimdir?». Cavabında «Aişə» buyurdu. Sonra «Kişilərin içində ən çox
sevdiyiniz kimdir?» soruşduqda «Aişənin atası» buyurdu. Əbu Bəkr Peyğəmbərin
ən çox sevdiyi insan olduğuna görə ümmətin hamısına rəhbərlik etmək haqqı
vardır. Bu da Əbu Bəkrin xəlifəliyi üçün qəti bir dəlildir!».
