07.06.2014, saat 20:15
Nəymə lazım
Vurub-tutmaq, namus-qeyrət dövrü deyil,
Qayda-vicdan, haqq-ədalət dövrü deyil.
Haqqım üzülür binamuslar əlində,
Mən kiməm ki, bu millətimin dəmində.
Kimi dindirirsən, deyir nəymə lazım,
Dəliyəmmi, dinc başıma quyu qazım.
17.05.2014, saat 19:00
Çalış ki,...
Bu dünya belə gəlib, belə gedər,
Çalış ki, ömrünü vermə sən hədər.
İtirsən vicdanı, hörməti əgər.
Gorunda cəsədin zülümlər çəkər.
01.08.2014, saat 17:35
İnsaflar azalıb
İnsaflar azalıb, vicdan gödəlib,
İnsanlar arada bir-birin didir.
Zəmanə bürünüb dünya donuna,
Qapqara geyinib zamanla gedir.
11.06.2014, saat 23:0
Böyük bəşərdir
Dağıldıq-talandıq düşdük düzlərə,
Qardaş, bu faciə böyük əsərdir.
Yamandıq saxtakar, yaltaq əllərə,
Haqqsız kəlmə min haqqlıya kəsərdir.
Dərdimi çəkənim varsa da, hanı?
Düzünü deyənin heç varmı sanı?
Adam bilirlərmi indi insanı?
Heç çıxma haşiyə, böyük əsərdir.
Dünən elə deyir, bu gün də belə.
Bu milət, bu dövlət axılır selə.
Sabir Binnət də ki danışır yelə,
Taleyi həll edən böyük bəşərdir.
Dostları ilə paylaş: |
