Magİstratura mərkəz

Kalium oksidini şüşənin tərkibinə daxil etmək üçün əsasən potaşdan istifadə olunur. Potaş kristallik və kalsiumlaşdırılmış olur. Şüşə istehsalında əsasən kalsium­laşdırılmış potaşdan istifadə olunur ki, onun da ərimə temperaturu 881ºC-dir. Keçmiş ittifaq ərazisində Kubanda, Şimali Qafqazda və Aşağı Volqaboyunda daha çox istehsal olunurdu.

Kalium oksidi məmulatlara parlaqlıq, şəffaflıq verir, kristallaşma qabliyyətini azaldır. Potaş əsasən yüksəkkeyfiyyətli qabların, rəngli məmulatların, optiki şüşələrin istehsalında istifadə olunur.

Potaş aşağıdakılardan alınır: tərkibində xlorlu kalium olan mineraldan (Leblan üsulu ilə).

İkiqat karbon turşusunun kalium və maqnezium duzlarından .

Bitki külündən – günəbaxan, şəkər qamışı və s.-dən qələviləşdirmə yolu ilə alınır.

Leblan üsulu ilə alınmış potaşın tərkibində (%-lə) K₂CO₃-92-98; Na₂CO₃-0,5-2,5; KCl-0,5-2,5 və K₂SO₄-0,5-3 vardır.

Ən təmiz potaş (K₂CO₃-99,4%; Na₂CO₃-0,05%; KCl-0,06% və K₂SO₄-0,02%) karbon turşusunun ikiqat kalsium və maqnezium duzlarından alınır.

Bitki külündən alınan potaş texniki şərtlərlə 1-ci sort üçün K₂CO₃-96%-dən az olmayaraq, KCl+ K₂SO₄-3,5%-n çox olmayaraq, həll olmayan qalıq 0,3%-dən çox olmayaraq, rütubət 3%-dən çox olmamaqla tərkibdə olmalıdır.

Susuz potaş çox hiqroskopikdir, buna görə də istifadədən əvvəl suyun və K₂CO₃-n miqdarını yoxlamaq vacibdir.

Tərkibində potaş olan şüşə, soda olan şüşədən daha çox özülü olur. Ərimənin yaxşılaşması və özlülüyün azalması üçün adətən soda və potaşı birlikdə tətbiq edirlər. Kalium oksidi kristallaşma meylini azaldır, rəng çalarını yaxşılaşdırır. Potaş əsasən yüksək keyfiyyətli sortlu qablar, büllur məlumatlar, rəngli, optik və texniki şüşə istehsalında tətbiq edilir.