Мцгяддимя

İndi isə müstəqil işin aparılması barəsində.

Təhsilin ilk illərindən tələbələrdə elmi məlumatı tapmaq, yenidən işləmək və istifadə etmək yönümündə müstəqil qabiliyyətlər formalaşmalıdır. Bu baxımdan müəllimdən tələbələrin intellektual qabiliyyətlərinin, təlim-idraki fəaliyyətin təşkilinin rasional üsullarının inkişafı və təkmilləşdirilməsi tələb olunur.

İntellektual qabiliyyətlərə aiddir:

1. Məntiqi düşünmə qabiliyyəti.

2. Axtarış fəaliyyətini həyata keçirmək qabiliyyəti.

3. Müxtəlif mətnləri yenidən işləmək və dərk etmək qabiliyyəti¹.

Müstəqil işin aparılması və onun nəticələrinin qeydiyyatı üsulları çox müxtəlifdir: ədəbiyyatın annotasiyasının yaradılması və konspektləşdirilməsi; referatların və məruzələrin hazırlanması; tədris-tədqiqat işinin həyata keçirilməsi, sosioloji materialın təhlili (ilkin mənbələrə).

Müstəqil işin müxtəlif növləri var, o cümlədən fəlsəfə mətnlərin oxunması və təhlili, seminar məşqələlərə hazırlıq, referatların yazılması, tələbə elmi konfranslarda iştirak etməsi, kitabxanada olan fəlsəfə əədəbiyyatının təsnifatlaşdırılması və təhlili və s.

Elmi ədəbiyyatın öyrənilməsinə dair tələbələrin müstəqil işi konspekləşdirmədən başlanır. Konspekt – qısa ifadə, ifadə etmək olub, ilkin mənbədən ən vacibinin və əhəmiyyətin qısa ifadəsi deməkdir. Konspektləşdirmə öyrənilən əsərin oxunması, ilkin mənbə kimi dərk edilməsi üçün olduqca faydalıdır.

Tezis – məruzənin, məqalənin və ya tədqiqin əsas fikrinin dəqiq (konkret) formula edilmiş formasıdır. Tezis tam mətndən onunla fərqlənir ki, burada izahatlar və detallar olmur.