| Fəlsəfə və dinin mədəni kontekstdə qarşılıqlı münasibətləri. İctimai şüurun dini forması güclü sosial institutda təcəssüm olunduğuna, şəklini dəyişməyi bacardığına və yeni şəraitə uyğunlaşa bildiyinə görə, inkişaf səviyyəsinə görə, qeyd olunmuş parametrlərə görə fəlsəfəni xeyli qabaqlamışdır. Dünyagörüşün, ictimai şüurun bir hissəsi olan fəlsəfə də pərakəndə ideyalardan başlayaraq öz əsas xüsusiyyətləri ilə bu günə qədər qəbul edilən nüfuzlu fəlsəfi məktəblərə qədər uzun inkişaf yolu keçmişdir. Ən vacibi odur ki, mifoloji, bədii qılafın içində doğulan fəlsəfi ideyalar, monoteist dinlərdə də ideyaların ifadə forması olaraq, öz həyatlarını davam etdirirlər.
Din və fəlsəfənin sosial hadisələrin iki forması kimi qarşılıqlı təsir göstəridikləri sahələr də var. Bir şey şübhəsizdir: hələ qədim zamanlardan artıq qarşılıqdlı zənginləşmə prosesi gedirdi; inkişaf əsasən paralel, bəzən dramatik olan qarşılıqlı təsir və qarşılıqlı zənginləşmə əsasında gedirdi. Fəlsəfi və dini ideyaların qarşılıqlı zənginləşməsi prosesi maarifləndirici, elmi, siyasi, dini təsisatlar tərəfindən stimullaşdırılır.
Dostları ilə paylaş: |
