Tədqiqat işinin praktiki əhəmiyyəti. Təşkil edilən tədbirlər müsbət nəticə
versə də, AR-da çörək-bulka məhsullarının keyfiyyət və kəmiyyət olaraq artması
üçün ümumi tədbirlərə ehtiyac duyulur. Əvvəlcə, dövlət proqramı üzrə buğda
əkinləri böyüdülməli və fermerlərə xüsusi güzəştlər edilməlidir. Regionların
texnikası, yem bazası, gübrələr və vitaminlərlə təminatı sürətləndirilməlidir.
Bununla yanaşı əlavə xammal və məmulatların istifadə edilməsi üçün logistik
şəbəkə tərtib edilməli, materialın nəql edilməsi, saxlanması, əlverişli şəkildə
istifadə edilməsi diqqət mərkəzində olmalıdır.
Dissertasiya işinin strukturu. Dissertasiya işinin strukturuna giriş, üç fəsil,
nəticə, ədəbiyyat siyahısı və rus, ingilis dillərində xülasə daxildir. Unun keyfiyyət
göstəricilərinin yoxlamada keçirilməsi və onun turşuluğunun və nəmliyinin
müəyyən olunması həyata keçirilmişdir. Ayrı-ayrı proses və şəraitlərin unun və son
məhsulun keyfiyyətinə göstərdiyi təsiri tədqiq olunmuşdur.
