Mövzu:1. Psixodiaqnostikanın predmeti, məqsədi və vəzifələri
Plan:
1. Psixodiaqnostikanın predmeti və vəzifələri
2. Psixodiaqnostikanın metodikası
3. Koqnitiv (idrak) proseslərinin və qabiliyyətlərin diaqnostikası.
1.Psixodiaqnostikanın predmeti və vəzifələri
Psixodiaqnostika praktik psixologiyanın fərdin psixi inkişaf səviyyəsi, xüsusiyyətlərini
dəqiq qiymətləndirmək üçün metodologiya və metodlar sistemini nəzəri cəhətdən işləyib
hazırlayan xüsusi sahəsidir.
Diaqnostika-yunan sözü olub (diaqnostikos)- "müəyyən edən" mənasını bildirir. Bu termin
qədim Yunanıstanda ilk tibbi terminlərdən biri kimi işlədilirdi. Təbabətdə-diaqnostika tibb
elminin bir sahəsi, xəstəyə diaqnoz qoymaq üçün istifadə olunan müayinə üsullarından bəhs edir.
Hazırda psixologiyada istifadə edilən diaqnostika anlayışı psixikanın hər hansı keyfiyyətinin
tıdqiqi məqsədilə istifadə olunan metodları ifadə edir.
Psixodiaqnostik baxımdan qiymətləndirmə obyektinə psixologiyanın öyrəndiyi bütün fakt və
hadisələr-duyğulardan başlamış insanların ünsiyyəti və qarşılıqlı münasibətlərində təzahür edən
mürəkkəb sosial-psixi proseslərədək hər bir psixi proses, xassə və funksiyalar vardır.
Psixodiaqnostika inteqrativ elmi-texnoloji fənn olub, diferensial psixologiyaya və test
