İdarəetmə formasından qaynaqlanan monotonluq.Müəssisənin iqtisadi yüksəlişi,uğurlu olması, məhsuldarlığının yüksək olması başqa faktorlardan asılı olduğu qədər, həmçinin idarəetmə formasından da asılıdır. İdarəetmə forması müsəssisəyə uyğun olaraq tətbiq edilir. Günümüzdə təşkilatlar insan faktoruna önəm versələr də, bunun əksini gördüyümüz müəssisələr də az deyil desək, yanılmarıq. Belə müəssisələr üçün var olma səbəbi məhsuldarlıq və artan mənfəətdən başqa birşey deyildir. Yalnız nəzərə alınmalıdır ki, insan faktorunun nəzərə alınmadığı müəssisələrdə məhsuldarlıq, mənfəət kimi anlayışlar bir müddət sonra öz yerini qeyri-məhsuldarlıq və zərər ilə əvəz edəcək. Bu yanaşma işçi-rəhbər(menecer) münasibətlərinin dərinləşdiyini , aşağı mərtəbə işçiləri ilə yuxarı mərtəbə işçilərinin ünsiyyətinin tək istiqamətli olmasını, İşçilərə verilən bəsit işlərin icrası zamanı menecerlerin həddən artıq ciddi nəzarətini, işçinin fərdi bacarıqların istifadəsinə mane olan və işçinin prosesə qoşulmasına mane olan bir təşkilati strukturu təsvir edir.
